في عزّ الصيف والجو النار، الرجوع من الشغل بيكون كأنك هربت من فرن! ومع الشمس والتراب والتلوّث، وشّك بيتعب وبيبقى محتاج يهدا ويرتاح شوية.

عشان كده، الماسك الطبيعي اللي فيه حاجات بتبرّد البشرة هو الحل السحري لإنعاش وشّك بعد يوم تقيل.

المكونات:

- 2 معلقة كبيرة زبادي (لبن رايب)
- 1 معلقة صغيرة جِل ألوفيرا
- نص معلقة صغيرة مية ورد
- 1 معلقة صغيرة خيار مبشور

الطريقة:

1-في طبق نضيف، حطّي الزبادي على الألوفيرا وقلّبيهم مع بعض كويس.
2-زوّدي مية الورد والخيار المبشور وقلّبي لحد ما يبقى خليط ناعم.
3-افردي الماسك على وشّك بعد ما تغسليه، وسيبيه من 15 لـ 20 دقيقة.
4-اغسلي وشّك بمية ساقعة ونشّفيه برفق.
5-استخدمي الماسك 3 مرات في الأسبوع عشان تشوفي فرق حلو في بشرتك.

الفوايد:

•الزبادي بيرطّب البشرة وبيقلل الالتهابات.
•الألوفيرا بتهدي الاحمرار وبتساعد الجلد يخف بسرعة.
•مية الورد بتدي إحساس بالانتعاش وبتشد المسام.
•الخيار بيرطّب وبيبرّد الوش فورًا.