الفول السوداني من المحاصيل اللي بتتحمل حرارة الجو العالية، لكن محتاج عناية خاصة عشان يطلع صحي ومحصوله يبقى كويس، وخصوصًا في موضوع الرطوبة.

في السطور الجاية، هنعرفك إزاي تبدأ تزرعه في البيت من غير تعب، خطوة بخطوة، من الزرع لحد الحصاد.

أول حاجة.. محتاج تعرف النبات ده بيحب إيه:

الفول السوداني بيحتاج تقريبًا من 25 لـ50 ملي من المياه في الأسبوع، عشان التربة تفضل رطبة، و ممكن تبدأ تزرعه في أصيص أو وعاء داخل البيت قبل آخر موجة برد بحوالي شهر، ولما الجو يبدأ يسخن ودرجة الحرارة توصل ما بين 15 لـ21 درجة مئوية، ساعتها تنقله على طول للزرع في الأرض أو في الجنينة.

خطوات الزراعة ببساطة:

1- ازرع البذور: ممكن تزرع البذور بقشرتها أو من غيرها، بس لازم تسيب الغلاف الرفيع حوالين البذور.
2- احفر وازرع: في كل حفرة، حط من 3 لـ5 بذور بعمق حوالي 5 لـ7 سنتيمتر.
3- سيب مسافات: خلى في مسافة 18 لـ20 سنتيمتر بين كل مجموعة بذور، وبين الصفوف خلى على الأقل 60 سنتيمتر.
4- ضيف مهاد (قش): لما النبات يوصل طوله حوالي 15 سنتيمتر، حط شوية قش حواليه عشان تحافظ على الرطوبة وتقلل الحشائش.
5- ثبت بدعامات: لما النبات يكبر، استخدم أعمدة أو أوتاد عشان ترفعه وتمنع سقوطه على الأرض.

وأخيرًا.. وقت الحصاد:

ميعاد الحصاد بيختلف حسب نوع الفول السوداني وتاريخ زراعته. بس بشكل عام، تقدر تحصده بطريقة شبه البطاطس: احرث حوالين النبات في يوم مشمس ودافي، وطلّع القرون (الفول) واتركها تنشف شوية قبل ما تخزنها.