ينشر موقع "اجرى نيوز " الإخباري، معلومات عن كيفية اختيار كتاكيت الفراخ البلدي والدواجن التسمين، من واقع تقارير بحوث الإنتاج الداجنى بمعهد بحوث الإنتاج الحيواني بوزارة الزراعة .
ثقتك في الشركة اللي ناويت تتعامل معاها سواء شركه كبيره او حتى كتكوت أهالي وتكون سألت كويس جدا ناس اتعملت معاهم قبل كده عشان تضمن جوده الكتكوت الى هتكمل بيه دورتك عشان تضمن ان كتكوتك خالي من السالمونيلا والميكوبلازما الى جايه من الام او بمعنى ادق تكون نسبتهم معقوله وما اخدتش كتير جوا جسم الكتكوتش .
طب ازاى تتعرف على وجود السالمونيلا عمر يوم
هتلاقى بطن الكتكوت كبيره وده بيحصل لان السالمونيلا بتغزو كيس المح وبالتالي هيحصل فيه التهاب .
مش بس كده ده انت كمان هتلاقى السره كبيره وباينه بمجرد ما تقلب الكتكوت الطبيعى انها ما تبنش غير لما تنفخ فى الريش او تباعده بايدك وبتكون صغيره وناشفه.
عشان تعرف هل كتكوتك جاى من ام بشاير ولا قطيع شباب فى فترة البيك ولا فى اخر الإنتاج وده هتعرفه بطريقتين :
نقيس طول الكتكوت من اول المنقار الى منتصف الاصبع
١٨-١٩سم بيكون بشاير /١٩-٢٠سم بيكون فى قمة الإنتاج وده ممتاز /اكتر من 20سم فده من قطيع كبير
المفرخ نفسه ممكن يكون سبب فى مشكلة كبيره وهى الاسبرجيلوزيس
طب ازاى تتعرف على المشكلة ديه
هتلاقى الكتكوت بيلقف الهوا بيفتح بقه كانه بيشد النفس شد او ان حاجه وقفه فى زوره
واما تفتح الكتكوت هتلاقى الرئه مخضره او مزرقه وساعات عليها نودلز بيضاء وممكن هتلاقيها على باقى الجهاز التنفسى .
الظروف الى اتنقل فيها كتكوتك لحد موصل لمزرعتك
ممكن تكون سبب فى مشكله كبيره وهى مشكلة الجفاف
من المفترض ان الكتكوت بعد الفقس بيدخل الحضانه عند درجة حراره ٣٢-٣٥ وبدرجة رطوبه ٦٥%
طب ايه الى بيحصل
السبب ان الكتكوت بيتنقل في ظروف غير مناسبه بالأخص في الرطوبة ولمده متفاوتة من ١٢ساعه وطالع بتبتدى تدخل في الجفاف
