تصدرت الفنانة نبيلة عبيد، تريند مؤشر البحث جوجل خلال الساعات الماضية عقب استغاثتها من قانون الإيجار القديم فيما يخص شقتها بجامعة الدول العربية.
وقالت في استغاثتها: الشقة دى شهدت كل ذكرياتي وتاريخي الناجح ، دي ريحة أمي وريحة رحلة نجاحي، لما بدخلها بحس بكل لحظة حلوة عشتها."
"أنا وهبت حياتي للفن ومعنديش أولاد، الشقة دي كنت محتفظة بيها علشان جمهوري، لما أموت يفضلوا فاكرين تاريخ نبيلة عبيد.. لو خدوها مني هموت."
وكشفت النجمة عن تفاصيل خاصة، قائلة:"حتى أغنية (قارئة الفنجان) اللي غناها عبد الحليم حافظ خرجت من الشقة دي."
وتابعت: "أجيب منين مكان أحط فيه كل تعبي ده؟ وفني اللي خايفة أرميه بعد كده يبقى على سور الأزبكية أنا خايفة على تاريخي مينفعش تترمي".
وأوضحت: "أنا بستغيث مينفعش ده تاريخي السينمائي كله في الشقة دي لما بفتحها بشم ريحة نجاحي وريحة أمي فيها كل صوري اللي كنت باخدها موجودة في الشقة دي لما بخشها برتاح مقدرش من يوم وليلة يحصل كده أنا مجرباها ومجربه اللي أنا فيها دي كانت قدم الخير عليا وبتمنى أرجعلها ".
