ماهى تأثير الظروف المناخية على المحاصيل؟
١.اهم تأثير هو تذبذب عمليات الامتصاص خاصة للمحاصيل المنزرعة حديثا ( عمر اقل من ٢٠ إلى ٢٥ يوم ) زي البطاطس والبنجر والثوم والبصل المقور والفراولة والخرشوف والبسلة وعروة الطماطم الجديدة وبساتين الفاكهة المشتولة حديثا .. الخ
ودي تأثيرها هو بداية ظهور أعراض نقص العناصر خاصة نقص الفسفور والبوتاسيوم والماغنسيوم والمنجنيز على كل المحاصيل دي .. وكمان تأثيرها هتقلل التحجيم والتلوين خاصة للبرتقال والطماطم
١.وهنا لازم ادخل بالفولفيك وعالى الفسفور مع عمل خلطة من العناصر الصغرى .. واهم حاجة يكون مصدر المركبات دي مضمون .. وبالنسبة لدعم التحجيم فتحتاج لمركبات البوتاسيوم والسيتوكينين منخفض التركيز .
٢. المحاصيل اللى عدى شهر او اكتر من عمرها مهم قوى اسرع من معدلات النمو الخضري وانا بتكلم عن البطاطس البدرية والطماطم عروة شهر تمانية وتسعة والفلفل .
ودي نخلى بالنا قوي من التدرج في زيادة التسميد البوتاسيوم والفسفور والكالسيوم ونبدأ نخف الازوت تدريجيا خاصة اللى من اليوريا .
٣. وده اهم تأثير ولازم نركز مع بعض قوي ، رغم أن الظروف المناخية مناسبة للزرع إلا أنها مثالية جدا جدا لمجموعة خطيرة من الأمراض الفطرية المحبة للرطوبة العالية والأجواء الدافئة أو الحارة وهي امراض الانثراكنوز والتبقعات واللفحات على محاصيل الفراولة ( بالتحديد ) والبطاطس والخضر .
وهنا لازم اقلل الرطوبة تدريجيا حول النباتات بتظبيط الري ( على الحامي بالغمر ) واقلل وقت الري بالتنقيط واقرب الفترة بين الحريات .. يعنى مثلا لو بروي ساعة كل يومين .. اروى ٤٥ دقيقة كل يوم .. ده مثال يعني .
وطبعا اكون جاهز للتدخل الفوري بالمبيدات اللازمة خاصة ازوكسي ستروبين - فوستيل الامونيوم - ميتالكسيل - بوسكاليد - بلوكلوراز .. الخ ..
وطبعا البوتاسيوم والكالسيوم فوسفيت هام جدا الفترة دي خاصة لمشاتل الفراولة والبصل ولكل محاصيل الخضر ..
اعداد
استاذ دكتور محمد علي فهيم
رئيس مركز معلومات تغير المناخ مركز البحوث الزراعية
