الأربعاء، 21 ذو القعدة 1445 ، 29 مايو 2024

المحررين

من نحن

اتصل بنا

خلال حصاد المرحلة الأولى لمشروع مستقبل مصر

صور .. مصر تواصل نهضتها الزراعية .. الرئيس السيسى : 60 الف فدان جديدة فى المنيا وبنى سويف .. وانشاء صوامع إضافية بالجنيه المصرى وأماكن تخزين للأرز والذرة

الرئيس السيسى  خلال افتتاح مشروعات مستقبل مصر
الرئيس عبد الفتاح السيسي خلال حصاد المرحلة الأولى لمشروع مستقبل مصر
أ أ

اهتمام كبير من قبل الدولة وكافة مؤسساتها لتحقيق التنمية الزراعية والنهوض بملف الزراعة على مستوى زيادة الإنتاج للمحاصيل ومستوى التوسع فى إضافة المزيد من الأراضي الزراعية التى يتم استصلاحها اضافتها للرقعة الزراعية فى مصر  ولا يتوقف اهتمام الدولة بالانتاج فقط بل والحفاظ عليه وتخزينه فتم انشاء المزيد من الصوامع لتخزين القمح ومخازن  للأرز والذرة، ويأتى مشروع مستقبل مصر للتنمية المستدامة، كواحد من أهم هذه المشروعات فى مصر وعلى مستوى العالم من حيث التنمية والتصنيع الزراعي، وهو المشروع الذى انطلق اليوم حصاد المرحلة الأولى منه  بحضور الرئيس عبد الفتاح السيسي ، الذى أكدت كلماته على اهتمام مصر بملف الزراعة وتطويره لتوفير غذاء المصريين ودعم الاقتصاد الوطني.

 



الزراعة 60 ألف فدان بالمنيا وبنى سويف :


قال الرئيس السيسى  أن زراعة 60 ألف فدان بالمنيا وبنى سويف يعود بالنفع على الأيدى العاملة.

 



وأكد الرئيس السيسى على أن الدولة المصرية تحقق الاستفادة الحقيقية من كل نقطة مياه لصالح الزراعة.

وأضاف الرئيس السيسي، خلال كلمته في افتتاح المرحلة الأولي من المنطقة الصناعية في جهاز مستقبل مصر وبدء موسم الحصاد: "إحنا خلينا مسار العمل فيه بالطريقة اللي ماشيين فيها دلوقتى، والقطاع الخاص مهم جدا جدا إدارته للمشروعات متقدمة وناجحة وكفاءة الأداء محل اعتبار في أي عمل بيقوموا بيه".




وأوضح الرئيس عبدالفتاح السيسي إنه لتحقيق  وخدمة المشروع  جرى التوسع في مشروعات الطرق بالضبعة لخدمة التنمية

 

 


أكد الرئيس عبدالفتاح السيسي، أن هدف الدولة في التشغيل لا يختلف عن القطاع الخاص في تحقيق الربح، لكن من ضمن الأهداف أيضا هو تشغيل الايدي العاملة.

 



أضاف الرئيس السيسي : "المفروض المشروع ما يخسرش، لكن إن أعمل مشروع، والمشروع يكسب مش كتير بس يشغل عمالة كتير بعتبر ده ربح غير منظور، .. والمفروض كدولة أوفر فرص عمل للناس، وأنا بعمل المشروع ما خسرش وبطالب القطاع الخاص أنه م يخسرش أومال هو بيشتغل ليه؟".

 



تابع الرئيس السيسي: "بمنتهي الموضوعية والحيادية في طرح الفكرة علشان فيه نقاش كتير جدا .. يعني جهزت الأرض ودخلت المياه بقول للمستثمر تعالي خد مني بسعر عادل بس ما تظلمش المشروع علشان يستمر، ولا تتجاوز كمية المياه المحددة لانها ليست مياه مطر، فيه محطات بتشتغل وطلمبات وكهرباء بتستهلك علشان تصل اليك وكده بتحملني تكلفة كبيرة".

 



تحدث الرئيس عبد الفتاح السيسي عن المشروعات الكبرى التي تنفذها الدولة في إطار مشروع مستقبل مصر للتنمية المستدامة، قائلآ: "لما بنعمل المشروع لازم نستهدف نحقق كل النتائج.. لما بقول ازرع 2 مليون فدان يبقي استهدف 2 مليون فدان".



وأضاف الرئيس السيسي: "ده نقاش اتحدي بيه أي حد.. الهدف ليس القدرة المالية ولكن القدرة على التنفيذ بشكل كامل.. بعمل طريق 10 حارات طوله 250 كليو لتحقيق الخدمة لكل الأراضي الزراعية الموجودة على الطريق.. ده مشروع قد 3 – 4 محافظات كبار اتعملوا قبل كده في 200 سنة انا بعمله في 4 سنوات.. سواء كهرباء وبنية تحتية.



حول تكلفة الفدان فى مشروع مستقبل مصر، تابع الرئيس السيسي: "الفدان في المشروع ده اتكلف 350 – 400 ألف جنيه بنية أساسية مش تستكتر المبلغ عليا.. اللى علمته لابد اعمله.. انا مش بزرع على مياه أمطار.. ودي مياه يتم نقلها لمسافة كبيرة وأنا طلبت فيلم عن ماخذ رشيد ومحطة الحمام.. وكيفية الوصول المياه علشان يعمل الإنتاج".


وأوضح الرئيس عبدالفتاح السيسى، إن الدولار كان وما زال يمثل تحديا، معلقا بالقول: "كان عندنا تحدى الدولار ومال زال.. قلتلهم لازم تعملوا اذا كنتم عاوزين تتجاوزوا مشكلة الدولار فى مصر لازم تخلوا المنتج المحلى ضخم جدا، علشان يغطى المطلب بتاع البلد، ولو فيه فرصة تصدر بره تصدر أى إنتاج زراعى وصناعي".



وعن إنشاء الصوامع، أضاف الرئيس السيسى خلال افتتاح المرحلة الأولى من موسم الحصاد بمشروع مستقبل للتنمية المستدامة: "قلتلهم مقدرش اعمل صوامع الا بالجنيه المصرى لو فيه شركة تزود المكون المحلى وتقدر تخلى الصوامع بالجنيه انا مستعد اتعاقد.. قالوا ايوه..اتكلمنا فى 500 الف طن خدوهم بالمصرى وعملوا مكون محلى زودوه علشان ميبجوش حاجة من بره يبقا كده انا استفدت لما ادخل الخدمة نص مليون طن خلال سنة وشهرين ده مش قليل، ولو انا محتاج اكتر مستعد اعمل تانى علشان يبقا كل إنتاجنا من المحاصيل المختلفة الذرة والقمح والأرز يبقا ليه مناطق تخزين محترمة".



 الدولة نفذت محطات تحلية للمياه بتكلفة 190 مليار جنيه:

 



قاطع الرئيس عبد الفتاح السيسى، الدكتور هانى سويلم وزير الرى والموارد المائية خلال كلمته عن محطات التحلية التى نفذتها الدولة خلال الفترة الماضية من أجل دعم القطاع الزراعى وتنفيذ مشروعات زراعية كبرى، قائلا: "التكلفة 190 مليار جنيه.. المصريين كتير سواء كان فى الرأى العام والمفكرين والمثقفين.. يقولك الفلوس فين.. أنا مكنش عندى خيارات تانية.. أن نسيب بلدنا كده وأنها تخرب.. كنا نعانى من إنفاق عالى جدا من الحكومة والدولة فى سبيل أن البلد دى تعيش.. انت قولت على ده فقط.. طب رشيد كام؟.. ماخذ رشيد بـ 150 كليو.. الدكتور شاكر وزير الكهرباء عاوز لمحطات الكهرباء 50 مليار جنيه".




وتابع الرئيس السيسى خلال كلمة فى افتتاح المرحلة الأولى من المنطقة الصناعية وبدء موسم الحصاد داخل مشروع مستقبل مصر للتنمية المستدامة: "احنا عملنا حاجة الاقتصاديات مش سهلة.. ومفيش خيارات.. بنتكلم عن 190 مليار جنيه.. طب رشيد كام بقي.. وبنتكلم عن 150 كيلو وترعة مكشوفة وترعة مقفولة ثم محطة المأخذ.. قد يساوى فى تكلفته محطة الحمام"





ويعد مشروع جهاز مستقبل مصر للتنمية المستدامة أحد أكبر الكيانات في العالم في مجالات وأنشطة التنمية على صعيد مشروعات الزراعة والتصنيع الزراعي والاقتصاد البيئي والمشروعات التكاملية.



تابع موقع اجرى نيوز عبر تطبيق (جوجل نيوز) اضغط هــــــــنا



اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية، بنوك واقتصاد ،اجرى لايف ،مقالات ،منوعات ، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.

icon

الأكثر قراءة