العفن القرنفلي من أخطر الامراض الفطريه التي تصيب جذر البصل والثوم بداء المزارعين يشتكون من الاصابه دي وخصوصا فى الأراضى الصحراوية الرمليه، يزداد نشاط المرض عند ارتفاع درجات الحرارة والرطوبة العاليه.

أعراض الإصابة

هيبدا يظهر عندك فى حتت فى الارض باصفرار نصل اوراق البصل والثوم.
ومع تقدم اصابه الجذر يحصل جفاف فى الاوراق وتدلي لاسفل.
ومع تقدم الاصابه يحدث تقزم للنبات وده طبعا هيؤدي إلى صغر حجم الابصال وده طبعا هياثر على المحصول فى الاخر.
عند خلع النبات والنظر إلى الجذر يكون الجذر لونه وردي أو قرمزي ثم يجف الجذر ويموت مع تقدم الاصابه.
اكبر مشكله ممكن تواجهك بقا أن يكون عندك اصابه بهذا المرض مع اصابه الجذر بفطر الفيوزاريوم أو الرايزوكتونيا أو البثيوم ده يسبب معاك خساره جامده جدا.

الحل

- رش اي ماده فعاله من المواد التاليه فى حاله وجود اصابه خفيفه، ثيفونات ميثيل، أو هيميكسازول، أو تيبوكونازول.
- طاب لو الاصابه قويه: رش المادتين دول مع بعض،  فوستيل الامونيوم + بروباموكار هيدرويكلوريد.
- حاول وانت بترش تغسل النبات ولو تقدر توصل الرش للجذر يبقا كويس خالص.
- المهم بقا عاوز حضرتك فى اقرب ريه حط اندول بيوترك اسيد مع هيوميك سواء كان الري تنقيط أو غمر علشان نحاول نعوض الخساره.

الدكتور صادق الشيمى، أستاذ وقاية النباتات مركز البحوث الزراعية