قدّمت الشيف نادية السيد عبر صفحاتها الرسمية وصفة الكشري المصري على أصوله، بكل التفاصيل والخطوات اللي بتخليه يطلع بنفس طعم كشري المطاعم إليكم الطريقة:

 المكونات:
 مكونات الكشري:

2 كوب عدس بجبة
2 كوب شعريّة
4 أكواب أرز مصري
3 بصلات كبار مقطعين جوليان (شرائح رفيعة)
كيس مكرونة سباجيتي
كيس مكرونة صغيرة (مثل الكوع أو المقصوصة)
ملعقة كبيرة كمون
ملعقة كبيرة كزبرة ناشفة
ملح وفلفل أسود حسب الرغبة

 مكونات صلصة الكشري (السر كله هنا):

بصلة صغيرة مفرومة
4 فصوص ثوم مفروم
4 أكواب عصير طماطم
4 ملاعق خل
رشة كمون – رشة كزبرة – رشة سكر (ده المكون السري اللي بيعادل الحموضة ويوازن الطعم)

 مكونات الدقة (الصوص الحار):

1 كوب ماء
نصف كوب خل
5 فصوص ثوم
2 قرن فلفل حار مفروم
ملح – كمون – كزبرة ناشفة – فلفل أسود

 الخطوات وطريقة التحضير:

1. تحضير العدس:
اغسلي العدس جيدًا واغليه في ماء مع رشة ملح وكمون حتى يستوي (نصف تسوية).
صفي العدس واحتفظي بماء السلق، هنستخدمه في طهي الأرز.
2. تحمير الشعريّة:
حمّري الشعريّة في شوية زيت لحد ما تاخد لون دهبي، ثم أضيفي العدس والرز وقلّبي.
أضيفي ماء سلق العدس وأكملي بالماء العادي حسب الحاجة. غطيه وسيبيه يستوي على نار هادئة.
3. تحمير البصل:
في طاسة غويطة، حمّري البصل الشرائح في زيت غزير لحد ما يبقى مقرمش ودهبي.
صفيه على ورق مطبخ واحتفظي بالزيت (هندخله في الصلصة ويدّي طعم خرافي).
4. سلق المكرونة:
اسلقي نوعي المكرونة في ماء وملح، وقلبيهم في نقطة زيت بعد السلق علشان ما يلزقوش.
5. تحضير الصلصة:
في حلة، شوّحي البصل والثوم في ملعقة من زيت البصل اللي حمّرنا فيه.
أضيفي عصير الطماطم، والخل، والتوابل، والمكون السري (رشة سكر صغيرة جدًا).
اتركيها تتسبك كويس لحد ما القوام يثقل وتبقى مركزة الطعم.
6. تحضير الدقة:
في كسرولة صغيرة، شوّحي الثوم والفلفل في نقطة زيت.
أضيفي الماء والخل والتوابل، واغليهم دقيقتين بس واطفي النار.

 طريقة التقديم:

في طبق عميق، حطي طبقة رز وعدس، ثم المكرونة، ثم شعريّة.
فوقهم رشة بصل محمّر، شوية صلصة، وشوية دقة حسب الرغبة.
ممكن تقدميه جنب بطاطس محمرة أو عيش مقرمش لو حابة.