المزارع اللى جنب مزارع البياض و مجازر الدواجن ومصانع الاعلاف وفى المناطق الموبؤة بلاش تسكين حتى استقرار الاوضاع والافضل مش قبل امشير او حتى تتحسن الاوضاع.
٢- المزارع اللى كان فيها مشاكل الدورة اللى فاتت تطهر كويس جدا وتريح على الاقل ٢٠ يوم لو منطقة المزرعة نضيفة
٣- بالنسبة للمزارع اللى طهرت وريحت ومنطقتها نضيفة و هتدخل دلوقتى :-
كتكوت كويس ولو مش كويس بلاش تستلمه او اعدمه افضل لانه لو خد عدوى فى العمر الكبير هيخسرنا جدا
الدورة دى خلى كثافة الاسكان من ٨ الى ١٠ كتكوت / متر مربع مش اكتر من كدة لو فيه مزارع فى حيز نص قطرى ٥ كيلو, لان كثافة الاسكان العالية فى النوعية دى من المزارع حتى لو تجهيزها كويس بتزود نشاط وشراسة الفيروسات, و لو دخلت اكتر من كدة هيطلع جزء كبير من الزيادة نافق فى اقرب اصابة فيروسية
علف كويس متزن و سمومه الفطرية مظبوطه وحاول قدر الامكان ما تخزنش علف لان السموم بتفتح السكة لاى فيروس
التحصينات تتاخد صح, سواء تقطير او تحت جلد الرقبة او عضل بحيث الفرخة تستفيد بيها .. لانها لو ما اتاخدتش صح كانها ما اتاخدتش اصلا.
امن حيوى كويس, يشمل تطهير اى حاجة او حد يدخل المزرعة وابعاد القوارض والكلاب الضالة عن المزرعة لانها مصدر عدوى كبير.
نسق مع جيرانك في الادخال ويفضل ادخال نفس الكتكوت ونفس العمر و لو مزرعتك في منطقة زراعية بحيث ما يكونش في عملية نقل او تخزين سبلة اثناء الدورة دى تحديدا وخصوصا فى عمر ١٣ يوم وطالع,
نشتغل على تحقيق تجانس ممتاز بحد اقصي ١٤ يوم, ولو فيه ضعيف بعد كدة يتعدم, لانه بيكون مصدر عدوى ونقطة ضعف كبيرة للمزرعة في العشرينات,
حرارة وتهوية جيدة,لان الكتمة وبرودة جو العنبر ممكن تنشط الفيروسات التنفسية وتزود المشكلة.
