أكد الإعلامي الدكتور عمرو الليثي، خلال برنامجه «إنسان تاني»، أن هناك أشخاصًا لا يأتون إلا "بالعين الحمرا"، مشددًا على ضرورة الوقوف لهم ووضعهم عند حدهم، وإلا تمادوا وتجاوزوا الحدود.
وقال الليثي عبر حساباته الرسمية على مواقع التواصل الاجتماعي: "لو سكتّ لهم هيفتكروا إن ده ضعف، والتعاون معاهم بيقلل من هيبتك، وهدوءك للأسف بيتحسب عندهم سذاجة".
وأضاف: "المؤدب بالنسبة لهم ضعيف، عشان كده العين الحمرا في الغالب بتجيب نتيجة معاهم. احترامك مش متاح بالمجان، وقربك له تمن".
وتابع: "أنا مش بقولك دوس على الناس، لكن خليك متزن وواضح وواقف على أرض صلبة. لأن الطيبة لو ما كانتش مسنودة بقوة، صاحبها هيتفرم وهيواجه تحديات ومصاعب كتير".
واختتم الليثي حديثه قائلًا: "خليك محترم، بس ما تسمحش لحد يقلل منك. واصبر على اللي يستاهل بس، لأن فيه ناس ما بتمشيش عدل إلا لما تحس إن اللي قدامها له مقام لا يُستهان به".
ويأتي برنامج «إنسان تاني» في إطار حرص عمرو الليثي على تقديم محتوى إنساني واجتماعي هادف، حيث يعرض قصصًا إنسانية ملهمة ونماذج ناجحة من المجتمع لأشخاص واجهوا تحديات صعبة وقرروا بدء حياة جديدة.
