قال هشام يكن لاعب المنتخب الوطني الأسبق، إنّ حلمي طولان مدرب المنتخب الوطني الذي ودع بطولة كأس العرب قبل قليلحلمي من "الشخصيات الكويسة"، كما أنه مميز على مستوى التدريب، مستدركًا: "لكن ما ينفعش أبقى أنا راجل في مهمة للبلد داخل وأبقى شغال في حاجة تانية".
وأضاف في حواره مع المحامي الدولي والإعلامي خالد أبو بكر، مقدم برنامج آخر النهار، عبر قناة النهار: "إحنا مشينا من منتخب مصر لما عملنا الجيل بتاع محمد صلاح أنا ومصطفى يونس مشينا علشان خاطر المنتخب بتاع ده، بالظبط.
فأنت النهاردة أبقى ازاي مدير منتخب وإعلامي في نفس الوقت، وهنا أتحدث عن مصطفى يونس الذي كنا نعمل معا، حيث غادرنا المنتخب الوطني بسبب عملنا في جهات أخرى، رغم أننا صنعنا المنتخب الذي يمثل مصر الآن مثل محمد صلاح وأحمد حجازي وأحمد الشناوي".
وحول أداء المنتخب في البطولة، قال: "كورة هنتكلم في إيه؟ ما فيش تكتك، ما فيش شكل، أنت ما عندكش حتى أخطاء جوه الملعب، والـ11 واحد واللي نزلوا أخطائهم كلهم حاجات صعبة جدًا، وما فيش تماسك، حتى الجري جوه الملعب ما فيش حد بيروح يضغط صح".
وواصل، أن معدل أعمار لاعبي المنتخب كبير، موضحًا: "وهو طبعًا الكابتن حلمي يعني كتر ألف خيره إن هو اختار العناصر اللي موجودة، لكن أنا النهاردة كان عندي الفريق التاني اللي لعب في الأولمبي اللي هم عناصرهم كنت أجيبهم يلعبوا".
