أ
أ
تعتبر الزراعة الناجحة لمحصول البصل خطوة مهمة لزيادة الإنتاجية وتحقيق ربح جيد، لكن ده بيتطلب الالتزام بمجموعة من التعليمات الفنية من بداية الزراعة لحد الحصاد والتخزين.
البداية الصح: اختيار الصنف المناسب وتطهير الشتلات
أول خطوة مهمة هي اختيار نوع بصل مناسب للمنطقة والتأكد إن الشتلات سليمة وخالية من أي إصابة. لازم الشتلات تكون من مصدر مضمون، ويفضل فحصها قبل الزراعة، خصوصًا الجذور. كمان مهم تطهيرها بمواد مخصصة قبل ما تتحط في الأرض، لتقليل فرصة نقل الأمراض. التربة والدورة الزراعية
في بعض أنواع الفطريات بتسيب أجسام حجرية في التربة بتعيش سنين، وده بيخلي زراعة البصل أو الثوم في نفس الأرض صعبة جدًا. علشان كده لازم تحليل التربة قبل الزراعة والالتزام بالدورة الزراعية علشان نضمن أرض نظيفة وسليمة.
أمراض ما قبل الحصاد
في مراحل متقدمة من نمو النبات، ممكن تظهر أمراض بتأثر على جودة البصل وبتخلي الدرنة تتعفن من الداخل حتى لو شكلها من بره كويس. ده بيكون نتيجة أخطاء في توقيت الحصاد أو طريقة التخزين. التوقيت المناسب للحصاد
مينفعش خلع البصل قبل ما ينضج تمامًا. لازم ننتظر لحد ما البصلة تكون خزّنت كل الغذاء، وده بيبان في طراوة العنق وانحناء العرش على الأرض. الاستعجال في الحصاد ممكن يخلي البصل مليان مياه ويتلف بسرعة بعد كده.التصويم والتخزين الصح
بعد الحصاد، لازم يتم تصويم البصل عن طريق فرشه في المراود علشان يفقد جزء من الرطوبة، وده بيساعد في الحفاظ عليه من العفن. كمان من الأفضل نسيب جزء صغير من العنق بدون قص علشان نمنع دخول الفطريات. وأخيرًا، لازم التخزين يكون في مكان جاف ومهوي ونظيف بعيد عن الحشرات والرطوبة.
