طالب الرئيس عبد الفتاح السيسي، الدكتور بهاء الغنام، المدير التنفيذي لجهاز مستقبل مصر للتنمية المستدامة، شرح التفاصيل الكاملة في اختيار الأرض وتجهيز البنية الأساسية لمشروع الدلتا الجديدة، قائلا: مش عايزك تستعجل.. إحنا في زملاء موجودين معانا وإعلاميين ومستثمرين.. ارجع للخريطة بالقمر الصناعي واشرح كل التفاصيل للمواطنين".
وأضاف الرئيس السيسي، خلال افتتاح مشروع الدلتا الجديدة التنموي المتكامل بالضبعة: "بنقول ده علشان نخلي المصريين يبقوا سعداء بأنفسهم أن اللى اتعمل فضل من ربنا كبير.. ومعاك وزارات الري والكهرباء والزراعة وفيه مليارات ادفعت في المشروع ده".
وتابع الرئيس السيسي: "لو دخلت على شرح الحفر.. من غير ما نشرح براحة.. مساحة أرض ضخمة اتعمل فيها ترع ومسارات مياه وكهرباء وطرق .. عاوزين الملامح الرئيسية.. خد وقتك في الشرح .. هي دي الحكاية.. لما بقول كده لينا كلنا.. لكل اللى سامعين وبيشوفوا الكلام.. يكونوا سعداء مش علشان بهاء . بالبلد.. الكلام ده مش ممكن يعمل بدون المصريين وتضافر الأجهزة المختلفة".
ويعد مشروع الدلتا الجديدة أحد المشروعات العملاقة بالمجال الزراعي، ويقام بمساحة تزيد عن مليون فدان في الساحل الشمالي الغربي، ويدخل مشروع “مستقبل مصر” ضمن نطاق المشروع، ويضيف المشروع 15% مساحة منزرعة جديدة لمصر تستغل لتحقيق الأمن الغذائي، ويمتد المشروع من شمال الواحات إلى جنوب وادي النطرون وشرق وغرب منخفض القطارة.
يضم المشروع نحو 688 ألف فدان جنوب محور الضبعة، وغرب الدلتا القديمة، هذا إلى جانب مشروع مستقبل مصر والمقام على مساحة 500 ألف فدان، ويشمل المشروع أيضًا قرابة 250 ألف فدان متداخلة مع “منطقة الدراسة” تخص مشروعات الخدمة الوطنية، ويتكلف استصلاح الفدان الواحد حوالي 200 ألف جنيه.
