أ
أ
لو بتحب الحيوانات أو بتحب تتعلم عن الطبيعة، التماسيح هتكون من أكتر الكائنات اللي هتبهرك بقوتها وقدرتها على التكيف.
ويعد التمساح من أشرس الزواحف وأكبرها، وبيعيش في الميه، سواء عذبة أو مالحة.
التماسيح من الحيوانات اللي بقالها ملايين السنين على وش الأرض، ومن نفس عيلة الديناصورات، بس لسه مكملين عايشين لحد دلوقتي عكس الديناصورات اللي انقرضت.
أنواع التماسيح
في حوالي 13 نوع مختلف، وبيعيشوا في أمريكا، أفريقيا، آسيا وأستراليا.
أكل التماسيح
التمساح بياكل لحمة بس! زي السمك، الطيور، الضفادع، والحيوانات الصغيرة زي الفئران. ما بيعرفش يمضغ الأكل، فبياكل الفريسة كاملة، وعلشان يساعد معدته تهضم، بيبلع حجارة صغيرة! وكمان ممكن يقعد شهور من غير أكل علشان عنده حرق بطيء.التزاوج والتكاثر
التماسيح بتتجوز وتخلف، والأنثى بتحط من 12 لـ 48 بيضة في المرة. البيض بيتحط يا إما في حفرة في الأرض، يا إما في كومة من النباتات والتراب. درجة حرارة البيضة هي اللي بتحدد نوع الجنين: لو درجة الحرارة متوسطة يطلع ذكر، لو عالية أو واطية يطلع أنثى!
بعد حوالي شهرين أو تلاتة، البيض بيفقس، والأم بتساعد العيال تخرج وتروح الميه، وبتفضل جنبهم تحميهم فترة.
شكل التماسيح
• جلدهم متغطي بقشور سميكة زي الدرع.• ألوانهم بتخليهم يستخبوا كويس في الميه والنباتات.
• جسمهم طويل وذيلهم قوي بيساعدهم يسبحوا.
• عندهم أكتر من 100 سنة، وكل ما سنة تقع، تطلع واحدة جديدة مكانها.
• رجلهم قصيرة بس قوية، ورجلهم الورانية أقوى من القدامية.
سلوكهم.
• بيحبوا الميه أكتر من اليابس.
• لأنهم من الزواحف، جسمهم بيحتاج شمس علشان يسخن.
• بيعتمدوا على ذيلهم في السباحة.
حواس التماسيح
• النظر: بيشوفوا كويس جداً بالليل علشان شكل بؤبؤ العين عندهم بيسمح بدخول الضوء.• السمع: أذنهم مميزة ومحميّة من الميه.
• الشم: عندهم حاسة شم قوية جداً، حتى وهما لسه بيض
• اللمس: بيحبوا يلمسوا بعض خصوصاً في التزاوج.
فايدة التماسيح للبيئة
رغم إنها بتخوف، لكن ليها دور مهم:
• بتحافظ على التوازن البيئي لأنها بتاكل الحيوانات اللي بتزيد أعدادها.• بتحمي الميه من التلوث.
• جلودها غالية وبيتعمل منها شنط وجزم.
• ولحمها بيتاكل في دول زي أستراليا، تايلاند، وجنوب أفريقيا.
