ينشر موقع "اجرى نيوز " الاخبارى معلومات مهمة عن مشكلة التهوية فى عنابر الدواجن الفراخ، بناء على تقارير من قسم بحوث تربية الدواجن التابع لمعهد بحوث الانتاج الحيوانى مركز البحوث الزراعية وزارة الزراعة.

مشكلة التهوية فى عنابر الدواجن:

- دخولك العنبر تظهر رائحة الامونيا " وده معناه ان نسبة الامونيا من 20 الى 30 جزء فى المليون ".

- عند الاحساس بحرقان فى العين او تهيج فى الجيوب الانفيه " نسبة الامونيا تخطت 50 جزء فى المليون وده خطر جدا على الطيور ".

- لو شميت غاز الامونيا وانت واقف ولكن بعد الانحناء لمستوى الدجاج ماشمتش ريحة امونيا ... ده معناه ان العنبر مكتوم من فترة صغيرة اوالفرشة منخفضة الرطوبة .

- لو شميت غاز الامونيا وانت واقف وكمان لما تنحنى لمستوى الدجاج ... ده معناه ان العنبر مكتوم من عدة ساعات ورطوبة الفرشة عالية .

- لو حسيت بصعوبة فى التنفس لما تنحنى لمستوى الدجاج معناها ان نسبة ثانى اكسيد الكربون عالية, و شميت رائحة البيض الفاسد عند الانحناء لمستوى الدجاج معناه ان الوضع حرج جدا ويلزم التهوية بسرعة لان وجود الغاز ده " كبريتيد الهيدروجين " بأقل كمية غير مسموح به لانه غاز سام .




- خمول وكسل فى القطيع وبنلاقى عدد صغير من الدجاج على العلافات والسقايات وبمجرد ما بتهوى بتلاقى الدجاج بدأت فى النشاط وتحرك نحو السقايات والعلافات .

-فى الحالات الشديدة بتلاقى احتقان وتورم فى العين وافرازات انفية واصوات تنفسية 

- الفرشة مرطبة 

- قطرات بخار ماء على الحوائط والاسقف و نوافذ العنبر 

- رؤية غبار او اتربة او شبورة فى جو العنبر ممكن تكون احد علامات سوء التهوية 

و غاز الامونيا هو غاز خفيف يتم شمة بمجرد دخول العنبر .

الغازات التقيلة زى ثانى اكسيد الكربون وكبريتيد الهيدروجين وغاز البوتاجاز "لو فيه تسريب غاز من الانابيب" فبنلاقيها واضحة اكتر عند ارضية العنبر "عند مستوى الدجاج" ومش بنشمها بمجرد دخول العنبر الا فى حالات الزيادة الشديدة .

لا يفيد الاكتفاء بشم الغازات عند الوقوف فى العنبر ولابد من الانحناء لمستوى الدجاج حتى نتعرف على الغازات الموجودة.