لنجاح تربية السمان في الحضانة الأرضية، لازم نراعي بعض الشروط الأساسية اللي بتحافظ على صحة الطيور وجودة نموها, التحكم في درجة الحرارة، الإضاءة، وتوفير البيئة المناسبة من أهم العوامل اللي بتساعد على تحضين السمان بشكل ناجح، خصوصًا لصغار المربين اللي عايزين ينتجوا بأقل تكلفة وبجودة كويسة.

درجة حرارة التحضين

يفضل تثبيت درجة الحرارة عند 35 درجة مئوية في بداية فترة التحضين، عن طريق استخدام الدفايات تحت الطيور, تقدر تزود أو تقلل درجة الحرارة حسب حاجة الطيور الاهتمام بدرجة الحرارة ثابتة بيحمي الطيور من التعب والمرض.

الإضاءة

الإضاءة لازم تكون مستمرة خلال أول 3 أيام علشان تحفز الطيور وتنشطها, بعد كده نبدأ نخفض الإضاءة تدريجيًا لحد ما توصل 14 ساعة في اليوم لما يكون عمر الطيور 14 يوم ,الأفضل تستخدم لمبات حمراء لأنها أقل توترًا على الطيور.

المساقي والمعالف

كل 1000 طائر يحتاج حوالي 3 مساقي طول الواحد 45 سم، عشان يقدروا يشربوا المياه بسهولة من غير تزاحم. كمان لازم توفر معلفة واحدة تكون على نشارة الخشب أو التبن، وتحط تحتها طبقة رقيقة من الجير المطفي، ده بيحافظ على نظافة المكان ويقلل الروائح والميكروبات.

نصيحة للمربين .. حافظ على نظافة الحضانة بشكل يومي، وراقب حالة الطيور بانتظام. الاهتمام بالعوامل دي هيوفرلك إنتاج أفضل وتكلفة أقل، وده اللي بيفضل عليه كل مربي صغير.