مع ارتفاع درجات الحرارة، يصبح عصير الليمون بالنعناع المشروب المنقذ للجميع في الكافيهات، بفضل طعمه المنعش وفوائده الصحية, ولو إن تحضيره في البيت سهل، كثير من ستات البيوت بتفضل تعرف سر طعم الكافيهات, والنهاردة، جبنالك طريقة سهلة وسريعة عشان تعملي عصير الليمون بالنعناع المنعش اللي هتخليكي تستغني عن أي كافيه.

مكونات في كل بيت.. وسر بسيط للطعم الكريمي
لتحضير هذا المشروب اللذيذ، هتحتاجي المكونات دي:

2 ليمونة كبيرة: قشريها وقطعيها كويس وشيلي منها البذور.
10 أوراق نعناع طازج: اغسليهم كويس.
3 ملاعق كبيرة سكر: وممكن تزودي أو تقللي حسب ما بتحبي.
2 كوب ماء بارد.
كوب ثلج مجروش.
ربع ملعقة صغيرة فانيليا: وده بقى سر الطعم الكريمي زي الكافيهات بالظبط، وممكن تستغني عنها لو مش عايزة.

خطوات سهلة لعصير ليمون بالنعناع ولا أروع

بعد ما تقشري الليمون وتقطعيه، وتغسلي النعناع كويس، هاتي الخلاط.
حطي فيه الليمون، النعناع، السكر، المايه، والثلج. ولو عايزة الطعم الكريمي المميز بتاع الكافيهات، زودي الفانيليا.
شغلي الخلاط لحد ما كل المكونات تتخلط كويس ويبقى المزيج ناعم ومتجانس.
لو مش بتحبي قشر الليمون في العصير، ممكن تصفيه بمصفاة ناعمة.
اسكبي العصير في كوباية طويلة وشيك، وزينيها بورقة نعناع أو شريحة ليمون، وقدميه ساقع. بالهنا والشفا