أ
أ
مع دخول الصيف، خزانة ملابسك بتستقبل ألوان جديدة بتنعش روح الموسم وبتعكس جرأة صيف 2025، اللي بيجمع بين الألوان الطبيعية ولمسات عصرية هتخطف الأنظار.
لو لسه محتارة تشتري إيه للعيد، جمعنالك أبرز ألوان الموضة اللي هتخلي إطلالتك مميزة، زي ما قالت مجلة "Vogue":
1- الأصفر الزبدي: رقة وأناقة
لو بتحبي الألوان الهادية بس في نفس الوقت عايزة شياكة، اللون الأصفر الزبدي هو اختيارك. نسقيه مع الأسود لإطلالة قوية وثابتة وجذابة.
2-الوردي الفاتح: لمسة ربيع وصيف
الوردي الفاتح مكمل معانا من ربيع وصيف 2025. جربيه مع تنورة قطنية بيضاء ناعمة لإطلالة عصرية، أو لأجرأ وأكثر تميزًا، نسقيه مع لون موس الموكا (البني الفاتح) لمزيج رائع وغير متوقع
3- البرتقالي المرجاني: حيوية الصيف
لون كله حياة، بيعكس دفء الشمس وهيبرز جمال بشرتك. مثالي للفساتين الصيفية والبلوزات الخفيفة، وممكن تنسقيه بمنتهى الأناقة مع الأبيض أو الكريمي.
4-الأخضر النعناعي: انتعاش وهدوء
لون منعش بيحسسك بالبرودة، ومثالي للفساتين الطويلة والقطع الكاجوال. هيديكي إطلالة هادية وأنيقة في نفس الوقت، ومناسب جداً للبس الصبح وبالليل في الصيف.
5- الأزرق السماوي: صفاء وإشراقة
لون بيفكرنا بالسما الصافية والصيف المشرق، مناسب جداً للشورتات والقمصان وحتى الإكسسوارات زي الشنط والأحذية، ده لون حيوي ومشرق يناسب كل ألوان البشرة.
6-الأصفر الزاهي: جرأة وطاقة
لعشاق الجرأة والتميز، الأصفر الزاهي هيدي إطلالتك لمسة من التفاؤل والطاقة، نسقيه مع الألوان المحايدة زي البني والبيج عشان تحصلي على إطلالة متوازنة وجذابة.
