ظهرت بثينة في الفيديو وهي تقول بسخرية واضحة: "مش عارفة أنا إزاي عايشة، إحنا عايشين إزاي يا جماعة، أنا مكلتش غير بقسماط من إمبارح أنا والقطط، كل شوية تحصل الفقرة دي"، في إشارة إلى تردي أوضاعها المعيشية.

ولم تتوقف عند هذا الحد، بل طلبت من متابعيها التوجه إلى حساب والدها على مواقع التواصل وتوجيه السباب إليه، حيث قالت في ختام الفيديو: "ممكن كلنا ندخل نشتمه على الأكونت بتاعه بليز.. اللي يقدر يعمل كده عنده بوت أكونت أو حاجة، خشوا اشتموا فيه عشان خاطري".


وأضافت في تعليق ساخر آخر: "هو ربنا بيبعت للناس اختبار، أنت معاك فلوس وريني هتعمل بيها إيه؟.. ستات وريني هتعمل إيه بالستات؟، عيال.. هتعمل إيه بالعيال؟!"

فيديو ثانٍ.. بثينة ترد على الانتقادات

بعد انتشار الفيديو بشكل واسع، عادت بثينة بمقطع جديد ردّت فيه على التعليقات التي انهالت عليها، مؤكدة أنها لم تكن تتوقع أن يصل الأمر إلى هذا الحجم.

وقالت: "عايزة أقول إني مكنتش عايزة الموضوع يكبر بالشكل ده، وأنا كنت على طبيعتي في الفيديو، ومش عارفة ليه الناس داخلة تقول عليا مدمنة، طب ما حد يساعدني".

وكشفت عن معاناتها في البحث عن عمل، مضيفة: "أنا في فترة دلوقتي مش لاقية شغل، مريت بحاجات صعبة ومحدش عارف صحتي عاملة إزاي ولا هوا عارف، واللي يقدر يساعدني ويجبلي شغل ياريت، وأنا بعرف أمثل وأكتب وأترجم وبعرف أشتغل".

والدتها تخرج عن صمتها: "فيديو خاص تم تسريبه"

في تطور جديد، خرجت والدة بثينة بتصريح حاد عبر حسابها على مواقع التواصل، نفت فيه أن يكون الفيديو قد نُشر بإرادة ابنتها، مؤكدة أنه تم تسريبه من حساب خاص دون إذن.


وكتبت والدة بثينة: "المواقع اللي وعمالة تقزقز في سمعة البنت ووالدها.. وده فيديو خاص لشابة بتفضفض مع صحابها، من private account مش للسرقة ولا للنشر".

وأضافت بلهجة غاضبة: "وده شكل بثينة الحقيقي والطبيعي، واللي هيتاجر أو هيعلي الترند هيعرض نفسه للمسائلة القانونية، اتقوا الله يا ملايكة اللي قايمين من على السجادة يا مدعي الشرف والاستقامة".

القصة لم تنته بعد..

وسط حالة من الجدل الواسع بين مؤيد ومنتقد، تبقى الحقيقة الكاملة حول الفيديو غامضة: هل كان تعبيرًا حقيقيًا عن معاناة ابنة فنان كبير؟ أم مجرد سخرية فُهمت بشكل خاطئ؟ أم أنه فيديو خاص تم تسريبه دون قصد؟ الأيام المقبلة وحدها كفيلة بكشف المزيد.