ينشر موقع "اجري نيوز" الإخباري عدة معلومات للمهتمين بالقطاع الزراعي حول عنصر البوتاسيوم للمزارع و لما بينزل الأرض النبات بيستفاد منو ازاي . 

اهميه عنصر البوتاسيوم 

1-اتزبيس وموصلات النبات بيساعد في زقل البروتين والسكريات والنشاء المتكون من عمليه البناء الضوئي اللي اتعملت فالورقه وينقلها للثمره بتاعت النبات بالتالي فهو هيحسن معايا مواصفات الثمرة او الدرنة ويزيد معايا ف حجمها 

2- بيشتغل العنصر دا علي رفع مناعه النبات ضد الفروسات والفطريات والامراض التانيه حاجه زي البوتاسيوم فوسفيت وحاجه زي سايكات البوتاسيوم اللي بتقاوم معايا ظروف الجو والتغيرات

3-بيشتغل علي تنشيط الانزيمات  والعمليات الحيويه التانيه ف النبات 

4-العنصر دا بقا يريس هو البوب كدا العنصر دا بيخزن علي صوره املاح بوتاسيوم ف الفجوه العصاريه للنبات المزارع الغلبان هيقولي يعني ايه يهندسه هقولك يبركتنا يعني هو المسول عن امتصاص المايه من التربه وباقي العناصر وحيويه النبات وبالتاي استخدام البوتاس بيقاوم جفاف الارض

5- بص بقا الحته المهمه دي
عنصر البوتاس بيقلل من عمليه تنفس النبات بقليل وبالتالي بيوفر معايا ف الطاقه اللي هتتحرق ف التنفس والنبات يستفاد بيها ايوه يهندسه منا مش  فاهم بردو هقولك يبركه انتا اي نبات ف العالم عشان يزهر لازم تبقا طاقتو عاليه لازم يبقي محتوي الكربوهيدات المعمول عندو عااالي عشان يديك الزهره ويمشي معاك صح

6-بيساعد وينشط عمليه النباء الضوائي ووظايف تانيه كتير مش لازم نتكلم فيها

امتصاص البوتاسيوم من التربة

عنصر البوتاس دا بمتص ف صوره ايونات بوتاسيوم ذائيبه ف التربه يبركه

وعلي فكره العنصر دا بيبقا موحود بكميات كزيسه جدا ف كل الاراضي لكن بتقابلو مشكله الا وهي انو بيكون غير صالح للامتصاص والاستفاده منو ودا بيكون راجع ان البوتاسيوم اللي موجود عندك ف الارض موجود ف صوره بلوريه صلبه صعب الفصل والتحلل وانا زي ما قولتلك فوق انو بيمص ف صوره ايونات ذائبه ف المحلول الارضي 
وبيزيد امتصاص البوتاس الميسر بيزياده المحتوي الرطوبي الارضي وبزياده المسميه ونسبه الاكسجين وارتفاع درجات الحراره وخد بالك مش معني كدا انك تروح تغرق الارض هااا واحنا بنقولك ولا تعطش ولا تشبع الارض وتغرق الاعتدال خالص وبزويد فائيده التسميد اللي انتا صضايفو

صور البوتاسيوم 

هقولك علي اغلب صور البوتاس المنتشره ف السوق وبنستخدمها صح ازاي وامتا

١- سليفات البوتاسيوم

او زي ما احنا عارفنها بشكارة 0-0-50
تركيبها بيكون عباره عن كبريت وبوتاس 
نسبه الكبريت فيها بيبقا 18% تقريبا 
ماشي خلي بالك انك من مميزتها غير البوتاس اللي موجود فيها انها بتعملي حاجه جميله قوي لما بتنزل الارض اول حاجه 

انها بتخفض من ph التربه وبالتالي بتزود من فرصه امتصاص العناصر الصغري والمايه من المحلول الارضي

تاني حاجه انها بطئيه التحلل جدا ف التربه وبتمد عنصر البوتاس للنبات طول فتره حياتو 
-بص بقا يبركه الشكاره دي بتنضاف ف اول عمر النبات يعني ممكن تستخدمها ف رايه المحايا ممكن ف الرايه التانيه هكذا يعمي حاول مضفهاش بعد عمر 45 يوم 
ومتجيش تقولي انا خلاص هخلع واحصد كمان عشرين يوم وعايز احجم بسلفات البوتاسيوم النبات عندك مش هيستفاد منها بنسبه 100% ونبقي رميت فلوسك علي الارض 

-ويبركه السلفات والله ما بتترش وانا مش بعند معاك ولا حاجه دا راجع انها بحتوي ف تركيبها علي نسبه كبيره من الاملاح واللشوائب الراجل الطيب اللي كان بيكلمني بيقولي انا عندي شكاره 0-0-50 وعايز ارشها يهندسه استخدمها بمعدل كام يطيب مبتترش واتمني تكون فهمت السبب
كفايا كدا علي السلفات خدتت اكتر من حقها

2- نترات البوتاسيوم
بتحتوي ف تركيبها علي غنصر البوتاس والنيتروجين 
بنستخدمها ف الرش والتسميد عادي وسبب استخدمها ف الرش انها بتحتوي علي نسبه قليله من الاملاح يبركه 
ودي بتكون افضل صوره للتسميد والاستخدام ودا راجع انها بحتوي علي عنصر النيتروجين اللي بيسهل ويسرع دخولها للنبات

3- سترات البوتاسيوم
ناتجه من تفاعل حمض الستريك مع هيدروكسيد البوتاسيوم وتكوين السترات
بتحتوي علي البوتاس وتركيزو ٤٥%
سريعه المفعول علي التحجيم وتحسين التلوين