نصيحه لوجه الله لكل الأخوة اللي بيفكرو في زراعة الذرة هذا العام ازرع الذرة وحمل عليها فول صويا على مساطب عرض المسطبه ١٢٠ الذرة خطين على جانبي المسطبه وظهر المسطبه خطين فول صويا.

بهذة الصورة تحصل على محصول فول صويا ومحصول الذرة مش أقل من ٤٥٠٠ ذرة و١٥٠٠ فول صويا ونظرا لمشكلة روسيا أوكرانيا المحصولين دول هيمسكو سعر كويس وتبقا انت كمزارع مستفيد ووفرت للدولة ،اهم محصول لانتاج الزيوت والاعلاف.
 

كيفية الزراعة 

تجهيز الأرض تحرث الأرض مع إضافه ٢٠ متر سباخ بلدي متحلل مهم جدا اضافة ٥سوبر فوسفات و٤سلفات نشادر وشكارة كبريت مع الوش التاني لحرث الأرض وتقسم مساطب ١٢٠ ل١٤٠ ١٢٠ خطين زره و٢فول ١٤٠ خطين ذرة و٣فول على ضهر المسطبه مع ريه الزراعة هتدي جركن سماد حيوي بكتيري  سائل .

الريه الثانيه بعد ٢٠يوم  بعد العزقه الاولى الخربشه  هنضيف جركن عضوي مع جركن حيوي .

الريه الثالثة هنضيف جركن عناصر مع جركن حيوي مع مراعات فحص  لون وحيوية الزرع ان كان متأثر بنقص ازوت او لا  في حال فتحان اللون للون الأصفر نزود أزوت.

الريه الرابعة إضافه نترات بوتاسيوم أرضي  ٥٠كيلو للفدان وبكده يبقا خلصنا تسميد. هيبقا معانا المكافحة حسب حالة النبات بالمبيدات الفطرية والحشرية والحشائش. 

 مهندس /حازم عبد الهادي استشاري زراعة المحاصيل الحقلية