ينشر موقع "اجرى نيوز" الإخباري معلومات عن درجات الحرارة المطلوب توفيرها خلال دورة تسمين الدواجن والفراخ في العنابر من واقع تقارير قسم بحوث تربية الدواجن التابع لمعهد بحوث الإنتاج الحيواني, مركز البحوث الزراعية وزارة الزراعة.
واليك النصائح والارشادات الدواجن:
يجب ان يكون الحكم على الحرارة المثلى للفراخ على حسب شكل وانتشار الفراخ في العنبر وحركتهم لو كان فيه حركة وانتشار على العلفات يبقى درجة الحرارة دي مظبوطة اما لو الفراخ ملمومة على بعض ومتجمعة تحت الدفايات يبقى درجة الحرارة منخفضة ومحتاج تعلى درجة الحرارة لحد ما تلاقى الفراخ انتشرت في العنبر وعلى العلافات.في حال كانت الفراخ بتلهث ومجهدة وبعيدة تماما عن الدفايات يبقى درجة حرارة العنبر مرتفعة ويجب ويجب خفض درجة الحرارة عن طريق:
أولا يتم فصل الدفايات ومصادر الحرارة لو كانت شغاله ويكون ده بشكل تدريجي لو الحرارة مظبطتش.
ثانيا : يتم فتح شبابيك للتهوية على حسب العمر وعلى حسب الجو العام لو فى فصل الصيف مثلا بيتم الفتح بحذر خاصة فى الناحية البحرية
وثالثا : يتم تشغيل الشفاطات وخلايا التبريد وده غالبا بيتم بعد فترة الحضانة .
يتم استلام الدفعة على درجة حرارة 33: 34 ودى الحرارة المثلى اللي بيتم فيها استلام الكتاكيت اول 3 ايام وبيتم خفض الحرارة 1 درجة مئوية كل 3 أيام لحد ما نوصل ل 25 درجة مئوية وبنثبتها لأخر العمر .
الأسبوع الثاني هنبدا ب 32 وهنتهى على 30 ( من عمر 7 حتى 14 )
الأسبوع الثالث 30 وهننتهى 28 ( من عمر 15 حنى 21 )
الأسبوع الرابع من 28 وهننتهى على 26 ( من عمر 22 حتى 29 )، وبالتالي هنكمل لأخر العمر بنفس الدرجة ونخلى دايما حكمنا في درجة الحرارة عن طريق شكل الفراخ وانتشارها في العنبر و على العلاقات .
