الحمى القلاعية "Foot and Mouth Disease "واحدة من أخطر الأمراض الفيروسية اللي بتصيب الحيوانات، خصوصًا الحيوانات اللي بتتغذى على الأعشاب زي الأبقار والجاموس والغنم والماعز، وبيتسبب في خسائر كبيرة في الإنتاج الحيواني سواء لبن أو لحم، وبيتنقل بسرعة جدًا بين الحيوانات المصابة والسليمة.
طرق العدوى:
الاحتكاك المباشر بين الحيوانات.
عن طريق الهواء في الأماكن المزدحمة.
من الأدوات أو الملابس الملوثة.
من الأعلاف أو المياه الملوثة.

أعراضها عند الحيوانات:
ارتفاع شديد في درجة الحرارة.
ظهور تقرحات في الفم وعلى اللسان.
سيلان اللعاب بغزارة.
فقدان الشهية.
تقرحات حوالين الظُلف، وده بيخلي الحيوان يعرج أو مش قادر يقف.
نقص شديد في إنتاج اللبن.
في بعض الحالات، ممكن تؤدي لنفوق العجول الصغيرة.


العلاج:
مافيش علاج مباشر للفيروس نفسه، لكن:
بنعالج الأعراض "زي خافضات الحرارة ومضادات الالتهاب".
تطهير الفم بمحاليل مطهرة زي الجلسرين واليود.
الاهتمام بالتغذية والدعم العام للحيوان.
في الحالات الشديدة، العزل والراحة مهمة جدًا.

الوقاية:
التطعيم الدوري للحيوانات بلقاح الحمى القلاعية.
عزل أي حيوان تظهر عليه الأعراض فورًا.
منع دخول أو خروج الحيوانات في حالة ظهور إصابات بالمزرعة.
تطهير الأدوات والملابس وأماكن التربية بشكل منتظم.
عدم شراء حيوانات من مصادر غير مضمونة.