ينشر موقع "اجرى نيوز"  الاخبارى اهم المعلومات والنصائح الارشادية فى أخطاء تحصين الدواجن، من خلال تقرير  قسم بحوث تربية الدواجن التابع لمعهد بحوث الانتاج الحيوانى مركز البحوث الزراعية وزارة الزراعة ، وانواع التحصين .

التحصين الحي , التحصين الميت :

1 -التحصين الحى وده بيعطينا مناعة بسرعة لكن قصيرة وطرق تحصينه، التقطير وده أفضل الطرق للفيروسات التنفسية الرش مياه الشرب خاصة فى الجمبورو  التغطيس  والوخز فى الجناح وده خاص بالجدرى. 

2- التحصين الميت أو المحمل على فيروس أخر وده بنعطيه عن طريق الحقن تحت الجلد أو العضل وبيعطى لنا مناعة متأخرة تبدأ بعد 14 يوم من الحقن ولكن تستمر لمدة طويلة. 
ا

لتحصين لابد  تستخدم معاه مثبت تحصين (لبن التحصين ) :

التحصين لابد  تستخدم معاه مثبت تحصين (لبن التحصين ) وده عبارة عن منتجات موجودة فى السوق الهدف منها تجهيز البيئة المناسبة لتنشيط اللقاح فى المية أو ببساطة هتعادل الكلور وأى مادة تفسد اللقاح فى المياه المستخدمة سواء كان فى التقطير أو الرش أو مياه الشرب. ده غير إنه بيفضل إنه يكون ملون بصبغة واللى بتساعدنا نقيس مستوى نجاح عملية التحصين ووصولها للطائر.

طبيبك المشرف بيحصن لك العترة الموجودة واللى توفرلك أعلى مستوى من الحماية:

- عدم وجود مطهرات فى مياه الشرب أو مضادات فيروسات أو أى أحماض وده اللى ممكن بسببه تفقد كفاءة التحصين كلها وكأنك ماحصنتش.
- لو هتطهر بالرش فلازم تستخدم رشاشة خاصة بالتحصين فقط ولا تستخدم فى أى مطهرات.
-  فى حالة الرش لازم تقلل سرعة الشفاطات خالص لأقل سرعة ممكنة للتهوية.
- ممنوع تحصين المياه فى خزان الأدوية ويفضل خزان منفصل لا يتعرض لحرارة الشمس إطلاقاً حتى لا يفسد عملية التحصين. 
- من الأفضل لك الحفاظ على تقليل وجود أى عدوى ثانوية تؤثر على الجهاز التنفسى أو المعوى واللى أكيد هتأثر على كفاءة عمل مستقبلات اللقاح فى الجسم وده بيتم بالرعاية المحترمة والإهتمام والمتابعة الدورية.
- خلى بالك من عملية حفظ ونقل اللقاح حتى الوصول للطائر. ولازم تلاجة الحفظ تكون خاصة باللقاح فقط ويجب متابعتها.
- ممنوع دمج التحصينات الحية لمرضين مختلفين دون الرجوع للطبيب المشرف لأن ده بيأثر فى المناعة. 
 التحصين الميت مهم  لعملية حفظ اللقاح ولازم قبل الحقن يترك فى درجة حرارة الغرفة دقائق حتى لا يتسبب فى صدمة للطائر عند الحقن.
- أهم نقطة للميت هى التجانس وده بيتم لما تتابع فريق الحقن وتتجنب تعريق الفراخ عند الحقن أو بمعنى آخر إن جرعة التحصين بتبقى برة الجلد أصلا وده كارثة بكل المقاييس.  لازم كله جرعة متجانسة مايبقاش عندى طيور اتحصنت صح والباقى إما جرعة ناقصة أو جرعة مفقودة خارج جسم الطائر بلا جدوى.
- مهم التحصين الميت للتسمين يكون تحت الجلد لأن الحقن عضل هيعمل تهيج العضلة وده بيعلم على الورك ويضايقك عند التسويق.
- ممنوع تخلط نوعين ميت مع بعض أو مع مضاد حيوي عشان التجانس إلا تحت إشراف طب ، واخيرا قياس المناعات الدموية لتقييم نجاح عملية التحصين.