تربية الكتاكيت في البيت ممكن تكون بداية ممتازة لأي حد عايز يدخل مجال تربية الدواجن سواء للتسلية أو عشان يجيب بيض ولحم طازة للبيت أو حتى للعمل التجاري الصغير, بس قبل ما تبدأ، لازم تعرف شوية حاجات مهمة تساعدك تحقق أفضل نتيجة وتوفر عليك تعب ومشاكل.

اختيار الكتاكيت المناسبة

أول خطوة لازم تهتم بيها هي اختيار كتاكيت صح وصحية من مكان موثوق, الأفضل دايمًا تشتري كتاكيت عمرها يوم واحد لأنها بتكون أسهل في التربية وكمان هتعرف تربيهم من الصغر على العادات اللي انت عايزها.

تجهيز المكان والبيئة المناسبة

الكتاكيت الصغيرة محتاجة بيئة دافية ومستقرة عشان تكبر كويس. لازم تحط لمبة حمراء قوية (حوالي 250 وات) عشان تحافظ على درجة الحرارة المناسبة. في أول أسبوع، خلي درجة الحرارة حوالي 32-35 درجة مئوية، وبعدين قللها شوية كل أسبوع.

كمان لازم يكون المكان نظيف وجاف، مع وجود علف ومية دايمًا قدامهم.

التعامل مع الكتاكيت وتعليمها

علّم كتاكيتك تجيبلك لما تناديها عشان تقدر تتابعهم وتضمن سلامتهم ,كمان من المهم تعلمهم يرجعوا للحظيرة قبل ما ييجي الليل، وده بيحميهم من المخاطر.

نصايح للحفاظ على صحة الكتاكيت

حافظ على نظافة المكان وأبدل العلف والمياه بانتظام.

راقب درجة الحرارة وما تسيبهمش في برد أو حر شديد.

خليك دايمًا جاهز بلمبة احتياط لو لمبة التدفئة اتعطلت.

لو طبقت النصايح دي، هتقدر تربي كتاكيت صح وتستفيد منهم سواء للبيت أو كمشروع صغير الموضوع محتاج شوية اهتمام وتركيز في البداية، بس مع الوقت هتلاقي كل حاجة أسهل وهتبدأ تشوف النتائج.