أ
أ
لو عايز تحافظ على إنتاج البيض من فراخك لمدة سنتين كاملتين، ركز على النصائح دي:
1- الأملاح أساس إنتاج البيض
الأملاح هي مفتاح إنتاج وخصوبة البيض، وأهم مصدر للأملاح دي هو العسل الأسود، استخدم معلقة كبيرة من العسل الأسود على 3 لتر مياه كل 3 أيام، ولمدة 8 ساعات بس، لو عرفت قد إيه العسل الأسود مهم، مش هتستخدم غيره.
2- الخضرة سر صحة الفراخ
لازم تفتح شهية الفرخة البياضة بالخضرة على الصبح، ده بيخلي جسمها يمتص العناصر الغذائية المهمة من العلف بسهولة، الخضرة هي روح الفراخ، ومن غيرها جسم الفرخة هيكون ناشف، استخدم الكرات أو الجرجير أو البقدونس، بلاش البرسيم عشان بيزود الديدان.3- حافظ على وزن الفرخة بخلطة علف مميزة
عشان تحافظ على وزن الفرخة، استخدم خلطة علف معينة بالنسب دي:•كيلو دشيشة
•كيلو ردة
•كيلو علف بياض خشن 20%
•كيلو عيش ناشف مطحون
•نص كيلو فول كسر
•نص كيلو كسب
•2 كيلو بطاطا خضرا مبشورة
•رشة ملح طعام بسيطة
•رشة شطة حارة لتنشيط الفراخ
4- الخميرة: سحر الكالسيوم وتوسيع مكان البيض
الخميرة سحرية في تكملة الكالسيوم وتوسيع مكان البيض، لو عرفت باقي أهميتها، مش هتستغنى عنها، التنوع في العلفة أفضل بكتير من الاعتماد على الصدف أو البلط أو العلف البياض لوحدهم.
