عزيزي المزارع كتير منكم بيسأل عن ايه هو انسب وقت لتحجيم البصل خليني اوضحلك نقطة الأول قبل ما نتكلم في التحجيم البصل تعامله بالورقة مش باليوم ازاي.
بعض المزارعين تلاقيه يقولك عمر البصل عندي 120 يوم وعاوز ابدٱ تحجيم نيجي نساله البصل عندك علي كام ورقة يقولك 6 ورقات او 7 ورقات
البصل عمره كله لا يزيد عن 14 ورقة الا في بعض الحالات النادرة جدا، وعلشان أقول انا عاوز ابدأ تحجيم اقل حاجة يكون البصل عندي علي 8 ورقات مش هيزعلني في التحجيم .
طب ايه هو برنامج التحجيم اللي امشي عليه لو عندي البصل عرشة كويس 8 ورقات او اكتر
-رشة مبكوات كلوريد تركيز 5% بتاع شوري بمعدل 1 سم علي اللتر قبل الجمع بشهرين اهم حاجة يكون في رطوبة في الارض يعني ترش وتسقي تاني يوم او بعد السقية ب 5 ايام
- رشة عناصر صغري جرام علي اللتر + npk جرام علي اللتر بعدها ب 5 ايام
-رشة نترات بوتاسيوم بمعدل 2 ل 4 جرام علي اللتر + سيتوكينين بمعدل 25 ل 35 جرام للفدان بعدها ب اسبوع
-رشة كالسيوم بورون بمعدل 1.5 ل 2 جرام علي اللتر
-رشة نترات بوتاسيوم بمعدل 2 ل 4 جرام علي اللتر + سيتوكينين بمعدل 25 ل 35 جرام للفدان بعدها
-رشة مبيكوات كلوريد 5 % بمعدل 1.5 ل 2 جرام علي اللتر قبل الحصاد بشهر مع وجود نسبة رطوبة في الارض
-رشة سترات بوتاسيوم بمعدل 2 ل 4 جرام علي اللتر + 35 جرام سيتوكينين للفدان
-رشة بورون محترم بمعدل 1.5 ل 2.5 جرام علي اللتر وممكن الخلط مع kts ثيوسلفات البوتاسيوم بمعدل 2 جرام علي اللتر
مع الاخذ في الاعتبار انك مش هتحتاج كل الرشات دي لو بصلك في تحجيم كويس وطبيعي.
الدكتور صادق الشيمى أستاذ وقاية النباتات بمركز البحوث الزراعية
