تُعتبر وصفة البط بالبرتقال من الأطباق المصرية الفاخرة اللي ليها طعم خاص ومميز، وممكن تقدري تعمليها في البيت بنفس جودة المطاعم العالمية، ولو بتدوري على أكلة تشرفك في العزومات والمناسبات الخاصة زي المولد النبوي الشريف، فالبط بالبرتقال هو اختيار مثالي يجمع بين النكهة الغنية والتحضير السهل.

في المقال ده، هنقدم لك طريقة تحضير البط بالبرتقال خطوة بخطوة، بمكونات بسيطة هتلاقيها في مطبخك، عشان تقدري تفرحي حبايبك وضيوفك بطعم لا يُنسى. 

يلا بينا نشوف إزاي نعمل الوصفة دي بسهولة علي طريقة الشيف علاء الشربيني

مكونات عمل البط بالبرتقال:

• بطة كاملة حجمها متوسط.
• ورق لورا (ورق غار).
• حبّهان (هيل).
• 2 جزرة (متقطعة حلقات).
• 2 بصلة (متقطعة شرايح).
• 2 بطاطساية (متقطعة حلقات).
• 2 فص ثوم.
• عيدان كرفس.
• ملح وفلفل أسود حسب الرغبة.
• علبة زبادي.
• 3 معالق كبيرة عسل نحل.
• كوباية عصير برتقال فريش.
• برتقالة متقطعة شرايح مدورة.

طريقة تحضير البط بالبرتقال:

1- تجهيز البطة: أول حاجة، اغسل البطة كويس جدًا، وبعدين خرمها بالشوكة أو السكينة عشان التتبيلة تدخل فيها كويس.
2- تتبيل البطة: اخلط الزبادي مع الملح والفلفل الأسود، وبعدين ادهن البطة بالخلطة دي كويس من جوه ومن بره. يفضل تسيب البطة في التتبيلة دي في التلاجة مش أقل من 4 ساعات عشان تتشرب الطعم.

3- تشويح البطة: في طاسة كبيرة، حط شوية زيت أو سمنة، وبعدين ضيف الحبهان وورق اللورا. نزل البطة وقلبها من كل الجوانب لغاية ما لونها يتغير وتاخد لون ذهبي فاتح. بعد كده، شيل البطة على جنب.

4- تجهيز الخضار: في نفس الطاسة، حط شرايح الجزر والبطاطس والبصل والثوم والكرفس، وقلبهم شوية.
5- إضافة البرتقال: ضيف كوباية عصير البرتقال، وسيب الخضار يغلي كام دقيقة لغاية ما يتشرب طعم العصير.
6- حشو البطة والخبز: خد جزء من الخضار واحشي بيه البطة من جوه، وحط البطة في صينية فرن. وزع باقي الخضار حوالين البطة، وحط شرايح البرتقال.

7- الخبز الأول: غطي الصينية بورق فويل ودخلها الفرن على درجة حرارة 180 مئوية لمدة 45 دقيقة.
8- اللمسة الأخيرة: بعد 45 دقيقة، شيل الفويل وادهن البطة بطبقة من عسل النحل، وبعدين صب عليها باقي عصير البرتقال. رجع الصينية الفرن وسيبها لغاية ما وشها يحمر وياخد لون ذهبي شهي.