مع انتهاء الامتحانات وبداية الإجازة الصيفية، كثير من العائلات يفضلون قضاء وقتهم على الشواطئ أو في المسابح. ورغم متعة البحر، لازم ناخد بالنا كويس من أطفالنا، لأن الغرق ممكن يحصل في ثواني.

بحسب موقع "CNN"، الغرق هو السبب الأول لوفاة الأطفال بين عمر سنة و4 سنوات في أمريكا، والسبب الثاني للأطفال الأكبر بعد حوادث العربيات.

ليه بتحصل حالات غرق؟

كتير من المسابح أو الشواطئ ما فيهاش منقذين.

اللي بيراقبوا الأطفال ممكن ما يعرفوش يعوموا.

الغرق بيحصل بسرعة جدًا، أحيانًا في أقل من 30 ثانية!

إزاي نحمي أطفالنا؟

ما تسيبش الطفل لوحده أبدًا جنب المية، حتى لو بيعرف يعوم أو لابس عوامة.

لازم يكون في حد كبير بيراقبه وبيعرف يعوم كويس.

اتعلم الإسعافات الأولية والإنعاش القلبي، علشان تعرف تتصرف وقت الطوارئ.

خليك دايمًا في أماكن فيها منقذين واتبع تعليماتهم.

علم أولادك السباحة من بدري، وخلّيهم يعرفوا يطفوا على ضهرهم ويطلبوا المساعدة لو احتاجوا.

ما تخليش الطفل يغوص برأسه في مية مش معروفة أو يحاول يجيب حاجة وقعِت في المية لوحده.