مع بداية ماراثون امتحانات الثانوية العامة، بيتعرض عدد كبير من الطلاب لضغوط عصبية ونفسية كبيرة بسبب التوتر والقلق المستمر المرتبط بالامتحانات, الضغوط دي ممكن تسبب أعراض صحية مؤقتة زي اضطرابات الأكل وفقدان الشهية.

أعراض مهمة لازم تاخد بالك منها خلال الامتحانات:

الاكتئاب: مع الانشغال بالمذاكرة ورغبة الأهل في تحقيق أبنائهم لأعلى الدرجات، ممكن ضغط الثانوية العامة يأثر على الحالة النفسية للطلاب ويسيبهم باكتئاب, أوقات اللي حواليهم بيعتبروا ده "دلع" أو محاولة للتهرب من المذاكرة، وده طبعًا غلط.

فقدان الشهية ونقص الوزن: الضغط النفسي ممكن يأثر على الجهاز الهضمي، فيخلي الطالب يفقد شهيته بالتدريج، وده بيؤدي لنقص الوزن وضعف الطاقة، وبالتالي يأثر سلبًا على قدرته على التركيز والمذاكرة.

اضطرابات النوم والأرق: كتير من الطلاب بيعانوا في فترة الامتحانات من صعوبة في النوم أو بيصحوا كتير بالليل, ده بيكون بسبب التفكير الزايد أو المذاكرة لساعات متأخرة، وده بيأثر على الذاكرة والانتباه تاني يوم.

ارتفاع ضغط الدم: بعض الطلاب ممكن يعانوا من ارتفاع مؤقت في ضغط الدم بسبب التوتر المستمر, ده ممكن يكون مصحوب بصداع، أو شد عضلي، أو شعور عام بعدم الراحة.

الإجهاد العام والنوم المتقطع: دي من أشهر الأعراض اللي بيعاني منها الطلاب في فترة الامتحانات, الإجهاد بيكون مستمر حتى وقت النوم، وممكن الطالب ماياخدش قسط كافي من الراحة، فيصحى تعبان. ده بيضعف الأداء الذهني والجسدي خلال الامتحان.

نصائح مهمة لطلاب الثانوية العامة:

عشان تعدي الفترة دي بسلام وتجيب أحسن نتيجة، ركز على النصايح دي:

ثقة في النفس: روح الامتحان وأنت واثق في قدراتك.
نوم كافي: نام كويس جدًا الليلة اللي قبل الامتحان.
صفاء ذهني: حاول تصفي ذهنك وتسترخي قبل وأثناء الامتحان.
استمع جيدًا: ركز مع أي تعليمات بيقولوها قبل الامتحان.
اقرأ الامتحان الأول: خد وقتك في قراءة الامتحان كله قبل ما تبدأ تجاوب.
جاوب بالترتيب اللي يريحك: مش لازم تجاوب الأسئلة بالترتيب، ابدأ باللي تعرفه كويس.
خد راحة: لو حسيت بتعب أو توتر، خد بريك قصير واستريح.
ماتخافش من الوقت: ركز في الإجابة وماتشلش هم الوقت زيادة عن اللزوم.
المية والأكل: اشرب مية كتير بانتظام، وكل أكل صحي عشان تحافظ على طاقتك وتركيزك.
صحتك النفسية والجسدية أهم بكتير، اهتم بيها عشان تقدر تركز وتجيب أحسن الدرجات.