أ
أ
نزيف الأنف في الحر، موضوع بيحصل كتير أوي، خصوصًا لما الجو درجات الحرارة فيه بتبقى عالية.
ليه بيحصل نزيف الأنف في الحر؟
•الجفاف عدو الأنف: الجو الحر بينشف الهوا، ولما الهوا بينشف بيخلي الغشاء المخاطي اللي جوه الأنف ينشف هو كمان، ولما ينشف بيتشقق بسهولة، وساعتها أي شعيرة دموية صغيرة ممكن تفرقع وتنزل دم.•الحر بيوسع الأوعية الدموية: الحرارة بتخلي الأوعية الدموية تتوسع، وده بيخليها أضعف وأكتر عرضة إنها تنزف.
•النفخ الزيادة: لو حد في الأنف مخاط وبيستخدم مناديل كتير عشان يخرجه، ده بيزود فرصة النزيف خصوصًا لو الأنف ناشفة.
•أسباب تانية بتزيد مع الحر: ممكن يكون فيه أسباب تانية زي الحساسية أو لو حد بياخد أدوية سيولة الدم، بس الحر بيزود المشكلة دي.
أعمل إيه لو مناخيري نزفت في الحر؟
•اقعد ووطي راسك لقدام: اقعد على طول ووطي راسك لقدام شوية، أوعى ترجع راسك لورا عشان الدم ما ينزلش على زورك.•اضغط صح: اضغط على الجزء الطري من مناخيرك اللي تحت العظم، واضغط لمدة عشر دقايق متواصلة. تنفس من بوقك في الوقت ده.
•التلج بيساعد: ممكن تحط كمادات تلج على مناخيرك أو جبهتك، ده بيساعد الأوعية الدموية إنها تضيق.
•ادي فرصة للالتئام: بعد ما النزيف يقف، حاول ما تنفش مناخيرك ولا تحط ايدك فيها لمدة يوم كامل عشان تدي فرصة للجرح إنه يلم.
إمتى أروح للدكتور؟
•لو النزيف ما وقفش بعد عشرين دقيقة من الضغط المتواصل.•لو النزيف بيتكرر كتير.
•لو حسيت بدوخة أو أغمى عليك، لازم تروح للدكتور على طول.
إزاي أحمي نفسي من نزيف الأنف في الحر؟
•اشرب مياه كتير: عشان جسمك ما ينشفش وده بيساعد إن الأنف تفضل رطبة.•استخدم مرطب جو: في البيت لو الجو ناشف أوي.
•بخاخ المحلول الملحي: ممكن تستخدم بخاخ محلول ملحي للأنف عشان تفضل رطبة.
•تجنب الشمس المباشرة: حاول ما تخرجش في عز الحر والشمس المباشرة خصوصًا في أوقات الذروة.
•بلاش تلعب في مناخيرك: ما تحطش إيدك في مناخيرك كتير وما تنفش مناخيرك جامد.
أ.د أحمد بشير - أستاذ الأمراض الصدرية جامعة الأزهر
