الحواوشي المصري من أشهر الأكلات الشعبية اللي بيحبها الكبار والصغار، في الوصفة دي، هتتعلمي إزاي تعملي حواوشي بيتي أحلى من الجاهز، بتتبيلة قوية ومكونات بسيطة، وبخطوات مضمونة تنجحي بيها من أول مرة.

 المكونات:

1 كيلو لحم مفروم (نصف الكمية لحم ضاني لزيادة النكهة)
4 حبات بصل مفروم ناعم
4 فصوص ثوم مهروس
فلفل حار حسب الرغبة
ربع كوب بقدونس مفروم
2 ملعقة كبيرة معجون فلفل أحمر حلو
(فلفل رومي أحمر مشوي ومقشر ومفروم)
1 ملعقة صغيرة ملح
1 ملعقة صغيرة فلفل أسود
1 ملعقة كبيرة توابل حواوشي جاهزة أو بيتية
نصف ملعقة صغيرة كُبّة صيني
(أو بهار حلو/بهار مشكل)
عيش بلدي أو عيش شامي للحشو
سمن أو زيت لدهن العيش

 خطوات التحضير:

في بولة كبيرة، اخلطي اللحم المفروم مع البصل والثوم والفلفل الحار والبقدونس جيدًا.
أضيفي معجون الفلفل الأحمر وقلبي الخليط حتى يمتزج.
أضيفي التوابل: الملح، الفلفل الأسود، توابل الحواوشي، والكُبّة الصيني. وقلبي كويس جدًا لحد ما كل المكونات تتجانس.
قسّمي الحشو على عدد الأرغفة حسب الحجم، وافردي طبقة من اللحم داخل العيش.
ادهني العيش من الخارج بقليل من الزيت أو السمن علشان يبقى مقرمش.
رصّي الحواوشي في صينية فرن، وادخليه فرن ساخن على حرارة 200° لمدة 20–25 دقيقة أو لحد ما اللحم يستوي والعيش يتحمّر.
قدميه ساخنًا مع سلطة خضراء، بطاطس محمرة، أو طحينة.