وصفة سريعة ولذيذة، بمكونات بسيطة ومتوفرة في كل بيت جربي فطاير المقلاة بمكونين فقط, من غير فرن ولا مجهود، هتعملي فطاير بحشوات متنوعة على حسب المتاح عندك، ريحتها هتملى البيت وطعمها هيخلي كل اللي حواليك يطلبوها منك كل يوم.

المكونات:

للعجين:
4 أكواب دقيق (حوالي 520 جرام)
ملعقة صغيرة ملح
ماء دافئ للعجن حسب الحاجة
للحشو (اختياري حسب الرغبة):
فلفل مقطع صغير
طماطم مقطعة مكعبات صغيرة
زيتون شرائح
بصل مفروم ناعم
لانشون أو بسطرمة أو أي نوع لحوم مصنّعة (اختياري)
جبنة موزاريلا أو فيتا أو أي نوع جبنة متاح
زيت للقلي

الطريقة:

1. تحضير العجين:
في وعاء كبير، اخلطي الدقيق مع الملح.
أضيفي الماء تدريجيًا وابدئي بالعجن حتى تحصلي على عجينة طرية ومرنة لا تلتصق باليد.
غطيها واتركيها ترتاح 15–20 دقيقة.
2. تحضير الحشوة:
في طبق، اخلطي المكونات اللي اخترتيها من الخضار والجبنة واللحوم.
ممكن تستخدمي نوع واحد أو أكثر حسب المتاح عندك.
3. تشكيل الفطاير:
قسّمي العجينة إلى كرات متوسطة الحجم.
افردي كل كرة على شكل دائرة صغيرة.
ضعي كمية من الحشوة في المنتصف وغلّفيها كويس.
افرديها برفق مرة تانية لتكون فطيرة متوسطة السمك.
4. الطهي:
سخّني مقلاة غير لاصقة على نار متوسطة، وادهنيها بقليل من الزيت.
ضعي الفطيرة وقلّبيها على الجهتين لحد ما تتحمر وتأخذ لون ذهبي جميل.
كرّري الخطوات لباقي الكمية.
5. التقديم:
قدّميها دافئة مع كوب شاي أو زبادي، هتكون وجبة مثالية للفطار أو العشاء.