أ
أ
في وصفة اليوم، الشيف عمر بيقدّم لنا واحدة من أطيب وصفات السمك بطريقة غير تقليدية، لكنها بسيطة جدًا
وسريعة، تخلص في أقل من نصف ساعة الوصفة قائمة على نكهة الليمون الأساسية مع لمسة
من الزبدة والثوم، والنتيجة صوص كريمي غني بيليق بشكل رائع مع الرز الصيادية أو
حتى مع الباستا لو حبيتوا.
المكونات (تكفي 2 - 3 أشخاص):
للسمك:
½ كيلو سمك فيليه (يفضّل
قشر بياض أو أي نوع مفضل)1 ملعقة صغيرة ملح
½ ملعقة صغيرة فلفل أسود
1 – 2 ملعقة كبيرة زيت زيتون
للصوص:
2 – 3 ملعقة كبيرة زبدة5 – 6 فصوص ثوم مهروس
2 ملعقة كبيرة دقيق
1 – 2 كوب حليب
½ كوب كريمة طهي (اختياري لزيادة الغنى)
عصير 1 ليمونة كبيرة أو 2 صغيرة
شرائح ليمون للتزيين
½ ملعقة صغيرة ملح (حسب الرغبة)
½ ملعقة صغيرة فلفل أسود أو أبيض
بقدونس مفروم (أو شبت فريش حسب المتاح)
للتقديم:
رز صيادية أو باستا طريقة التحضير:
1. تحضير السمك:قطّع الفيليه لقطع متوسطة الحجم (لا صغيرة جدًا حتى لا تتفتت).
اغسلها ونشفها كويس.
تبّل السمك بالملح، الفلفل، وملعقة زيت زيتون، وقلّب برفق.
سخّن طاسة على نار متوسطة إلى عالية فيها زيت، وابدأ بتسوية القطع الرفيعة أولًا.
اقلب السمك لما يبدأ يبيض من فوق، وارفعه لما يستوي بالكامل.
القطع السميكة هتاخد وقت أطول شوية، اقلبها لما النصف الأسفل يبيض، وكمل سواها بهدوء.
2. تحضير الصوص:
في نفس الطاسة، هدّي
النار وأضف الزبدة.شوّح الثوم لثواني حتى تطلع ريحته.
أضف الدقيق، وقلّب حتى يمتزج مع الزبدة.
أضف الحليب تدريجيًا مع التقليب، لحد ما يوصل لقوام صوص خفيف (زي بشاميل خفيف).
ممكن تضيف كريمة الطهي لو حبيت قوام أغنى.
ضيف عصير الليمون والشرائح، وتبّل بالملح والفلفل.
لو الصوص تقيل، خففه بشوية ماء.
أرجع قطع السمك للصوص برفق، وسيبه يغلي مع الصوص لمدة 5 دقايق.
3. اللمسات الأخيرة:
طفي النار، ضيف البقدونس
أو الشبت وقلّب برفق.قدّم الطبق مع رز صيادية أو باستا حسب رغبتك.
صب الصوص فوق السمك، وزيّنه بشرائح الليمون.
ملاحظات الشيف عمر:
السر في الوصفة: التعامل
بلطف مع السمك لأنه هش جدًا.تقدر تعمل نفس الوصفة في الفرن بدل الطاسة لو حبيت.
الطعم الأساسي في الوصفة هو الليمون والسمك، فبلاش تكتر التوابل.
