يُعتبر مشروع تربية الأرانب واحد من أنجح مشروعات الإنتاج الحيواني اللي يُنصح بها بقوة لشباب الخريجين وصغار المستثمرين، وده بسبب انخفاض تكاليفه المبدئية، ومرونته الكبيرة في الانطلاق والتوسع. بس علشان ينجح، لازم يكون فيه التزام بالقواعد العلمية السليمة للتربية.

إزاي تبدأ صح؟ 

أهم خطوة في بداية المشروع إنك تكون ملم بأساسيات التربية الصحيحة، وده مش هيحصل إلا بالتجربة العملية ومعايشة المشروع بنفسك، خطوة بخطوة. كمان في دورات تدريبية مجانية بتساعدك تتعلم كل حاجة من الألف للياء، ودي متاحة على منصات إلكترونية وسوشيال ميديا مختلفة.

ابدأ بسيط… توسع بعدين

أنسب بداية تكون بعدد بسيط من الأرانب، من 5 إلى 7 فقط، وسلالة واحدة بس! ليه؟ علشان تتابع كل تفاصيل التربية والمشاكل اللي ممكن تظهر، وتتعلم منها قبل ما تكبر المشروع.

إياك والغلط ده

من أكثر الأخطاء الشائعة اللي لازم تتجنبها تمامًا: التزاوج بين أقارب نفس السلالة! يعني مينفعش الأرنب الذكر يتزاوج مع بناته أو أخواته أو أحفاده، لأن ده بيؤدي لتدهور السلالة وضعف الإنتاج. علشان كده لازم تعمل تبادل مع مربين تانيين وتحرص على نقاء السلالة.

أنسب سن للتزاوج؟

ما تبدأش التزاوج غير لما الذكر يوصل لعمر 6 شهور، ويُفضّل يكون أكبر من الأنثى بشهر واحد على الأقل، وده علشان تحصل عملية التلقيح بنجاح.