ينشر موقع "اجرى نيوز " الإخباري، معلومات عن اهم علامات كتاكيت الفراخ البلدي والدواجن التسمين المصابة بالجفاف، من واقع تقارير  بحوث الإنتاج الداجنى بمعهد بحوث الإنتاج الحيواني بوزارة الزراعة .

طب ازاى تتعرف بقى على كتكوت في حالة الجفاف 

- وجود ارجل ناشفه وحراشيفها باينه ورفيعه ولونها مش برتقالى فسفورى
- بطن القدم ناشف ومكرمش 
- المنقار بهتان ومبيض 
- فتحة الانف والاذن متسعين وكبار 
- هتلاقى الجفاف مدخلك فى مشاكل اكبر 
- النقرس وبيبتدى يضربلك نص الكليه او تلتها والكتكوت عند سيادتك لسه مكملش يومين انت متخيل هتكمل بيه باقى الدوره ازاى 
- وفيه كمان النقرس الحشوى وده بقى بتبتدى يعملك نافق 
- وكمان بيسرع استفحال السالمونيلا والاى كولاى واكتساحهم لكيس المح ومتنساش معاك المايكوبلازما الكائن الانتهازى . 

حاجه كمان لازم تاخد بالك منها   

-ظهور الزغب بتاع الريش بتاع الجناح دلاله على ان الكتكوت بره الحضانه لمده اكتر من ٢٤ساعه يعنى كتكوت بايت 
فيه قاعده مهمه لازم تعرفها  
- كلما زاد معدل التريش قل معدل التحويل وعشان كده لما تدخل عنبر فى اول العمر او منتصفه وتلاقى الريش هابب فيه اعرف ان العنبر ده منتكس وفيه مشاكل كتير.