طريقة عمل صينية البطاطس باللحمة المفرومة والبشاميل, وصفة مشبعة، طعمها خرافي، ومكوناتها بسيطة, اليكم طريقة الشيف هبة ابو الخير خطوة بخطوة علشان تطلع معاكي الوصفة مظبوطة من أول مرة.

 المكونات:

 للبطاطس:
1 كيلو بطاطس (مقطعة مكعبات صغيرة)
نصف ملعقة صغيرة: ملح – بابريكا – بودرة ثوم
رشة زعتر
 للحشوة (اللحمة المعصجة):
350 – 500 جرام لحم مفروم
1 بصلة مفرومة
3 فصوص ثوم مفروم
1 فلفل أخضر (أو حار حسب الرغبة)
1 طماطم مبشورة
ملعقة صغيرة ملح
نصف ملعقة صغيرة فلفل أسود
ربع ملعقة صغيرة سبع بهارات
 للبشاميل:
3 ملاعق كبيرة زبدة + ملعقة كبيرة زيت
نصف كوب دقيق (حوالي 60 جرام)
1 لتر حليب (ممكن نزوّد نص كوب حسب القوام)
مكعب مرقة
ملعقة صغيرة ملح
ربع ملعقة صغيرة فلفل أبيض

 طريقة التحضير:

تحضير البطاطس:
قطّعي البطاطس مكعبات صغيرة، وقلبيها مع التوابل (ملح، بابريكا، ثوم بودرة، زعتر)، وشوّحيها في طاسة على نار متوسطة لمدة 5-7 دقايق أو لحد ما تبدأ تدخل في السوا.
تحضير اللحمة المعصجة:
في طاسة على نار متوسطة، شوّحي البصل مع الثوم لحد ما يذبلوا.
ضيفي اللحمة المفرومة وقلّبي كويس لحد ما تستوي.
ضيفي الفلفل الأخضر والطماطم المبشورة والتوابل، وكملي تشويح لحد ما تتعصج اللحمة وتتشرب الطماطم.
تحضير البشاميل:
في حلة، سيحي الزبدة مع الزيت، وضيفي الدقيق وقلّبي لحد ما لونه يفتح.
صبي الحليب تدريجيًا مع التقليب المستمر علشان متكتلش.
ضيفي مكعب المرقة، الملح، الفلفل الأبيض، وكمّلي تقليب لحد ما القوام يبقى كريمي وناعم.
الترتيب والصينية:
في صينية بايركس، حطي طبقة من البطاطس، بعدها طبقة اللحمة المعصجة، ووزعي فوقهم البشاميل بالتساوي.
ممكن ترشي جبنة موتزاريلا على الوجه لو حابة.
الخبز:
دخلي الصينية فرن مسخن مسبقًا على درجة حرارة 180 لمدة 30-40 دقيقة أو لحد ما الوش يتحمر.