صينية باذنجان مع بيض وطماطم وجبنة، كلها مكونات في كل بيت، جربيها، وهتبقى فطارك المفضل طول الأسبوع

 المكونات:

1 حبة باذنجان كبيرة (أو 2 وسط)
1 بصلة متوسطة مفرومة
1 فلفل أخضر مقطع
4 حبات طماطم مبشورة أو مفرومة
2 فص ثوم مهروس
4 بيضات
جبنة موزاريلا مبشورة (حسب الرغبة)
1 ملعقة كبيرة بابريكا
ملح وفلفل أسود حسب الذوق
زيت نباتي للتحمير

طريقة التحضير:

تحضير الباذنجان

قطّعي الباذنجان شرائح أو مكعبات حسب الرغبة.
حمّريه في الزيت حتى يأخذ لون دهبي، ثم صفّيه على مناديل مطبخ.

تحضير الخلطة

في طاسة على النار، شوّحي البصل والثوم في قليل من الزيت حتى يدبل.
أضيفي الفلفل الأخضر المقطع وقلّبي.
ضيفي الطماطم المبشورة والبابريكا والملح والفلفل، وقلّبي الخليط لحد ما يتسبك.

التجميع والخبز

في صينية مدهونة خفيف بالزيت، ضيفي طبقة الباذنجان المقلي.
فوقها، وزّعي خليط الطماطم المتسبكة.
إكسري البيض فوق الخليط، واحدة جنب الثانية.
رشي الجبنة الموزاريلا فوق البيض.
غطي الصينية بورق فويل، وادخليها فرن ساخن على درجة حرارة 180 لمدة 10–15 دقيقة، أو لحد ما البيض يستوي والجبنة تسيح.

 اقتراحات التقديم:

قدميها مع عيش بلدي أو توست محمّص
ممكن تضيفي رشة زعتر أو شطة حسب الرغبة
مناسبة للفطور أو عشاء خفيف