تعتبر صينية البطاطس باللحمة من الأكلات الشعبية والمحبوبة جدًا في كل بيت مصري، خاصة في المناسبات والعزومات. الطعم اللذيذ والفوائد الغذائية من اللحمة والخضار بيخلوها طبق متكامل ومشبع.

في السطور الجاية، "اجري نيوز " هيعرفك إزاي تعملي صينية البطاطس باللحمة في البيت بطريقة سهلة وطعم يفتح النفس.

المكونات:

نصف كيلو بطاطس مقشرة ومقطعة حلقات

بصلة كبيرة متقطعة شرائح

2 فلفل رومي حلقات

3 فصوص ثوم مفروم

2 ملعقة سمنة

ملعقة زيت

نصف ملعقة فلفل أسود

ملعقة صغيرة ملح

ربع ملعقة كمون

ربع ملعقة بهارات

رشة كزبرة مطحونة

مكعب مرقة

عصير طماطم + 2 ملعقة صلصة جاهزة

رشة جوزة الطيب

مكعبات لحمة مسلوقة

مياه للسلق

طريقة التحضير:

سلق اللحمة: في حلة على النار، اغلي شوية مياه وضيفي اللحمة مع ورق لورا وحبهان وبصلة وفلفل أسود، وسيبيها تستوي.

تجهيز البطاطس: قطّعي البطاطس والبصل والفلفل حلقات، واغسلي البطاطس كويس وصفيها.

تشويح المكونات: في صينية على النار، حطي السمنة والزيت، وبعدها نزّلي البصل والفلفل والبطاطس، وقلّبيهم لحد ما يصفرّوا شوية.

البهارات والطماطم: ضيفي الملح، الفلفل، البهارات، جوزة الطيب، ثم عصير الطماطم مع الصلصة الجاهزة، وسيبيهم يغلو 5 دقايق.

الثوم والتوابل: دلوقتي ضيفي الثوم المفروم، الكزبرة، الكمون، وسيبيهم على نار هادية لحد البطاطس ما تستوي.

اللمسة الأخيرة: طلّعي اللحمة من الشوربة، ووزعيها فوق الصينية بشكل حلو، وادخليها الفرن تحت الشواية من 5 لـ7 دقايق لحد ما تاخد لون أحمر شهي.

التقديم: قدمي الصينية جنب رز أبيض بالشعرية، وبالهنا والشفا.