عيش التورتيلا واحد من أنواع الخبز اللي بقت أساسية في المطبخ، خصوصًا في سندوتشات الشاورما والملفوفات، وبدل ما تشتريه جاهز، تقدر تحضّره في البيت بطريقة بسيطة وسريعة.

في السطور الجاية، بنقدّم لك من "اجري نيوز" وصفة مجربة لعيش التورتيلا، بخطوات سهلة ومكونات بسيطة.

 مكونات عيش التورتيلا:

2 كوب دقيق أبيض متعدد الاستخدامات

½ ملعقة صغيرة ملح

2 ملعقة كبيرة زيت نباتي أو زيت زيتون

¾ كوب ماء دافئ

 طريقة التحضير:

اخلط الدقيق مع الملح كويس، وبعدين أضف الزيت وافرك المكونات بإيدك لحد ما تتجانس.

ضيف المياه الدافئة بالتدريج، واعجن لحد ما تحصل على عجينة ناعمة.

سيب العجينة ترتاح حوالي نص ساعة.

قسم العجينة لكور صغيرة، وافرد كل واحدة على شكل دائرة رفيعة.

سخّن طاسة تيفال من غير زيت، وابدأ في تسوية التورتيلا على الجانبين لحد ما تظهر بقع بنية خفيفة.

غطّي العيش بفوطة نظيفة أول ما يطلع من الطاسة علشان يفضل طري.

 نصائح مهمة:

لو بتحب الأكل الصحي، ممكن تستخدم دقيق القمح الكامل.

التغطية الفورية بعد التسوية هي السر في الطراوة.

ممكن تحتفظ بيه في التلاجة أو الفريزر وتستخدمه وقت ما تحب.