كتير مننا دايمًا بيدور على أكلة سريعة وصحية، ولذيذة كمان، ومن غير ما تتعبنا في المواعين في الفيديو ده هنتعلم مع بعض طريقة عمل أكلة سريعة، مغذية، وصحية، تجمع بين طعم الخضروات والرز مع اللحمة ,أكلة اقتصادية وفي نفس الوقت مش هتاخد منك وقت طويل في التحضير.

المكونات:

1 كوب رز مصري مغسول

½ كيلو لحمة مفرومة

1 بصلة صغيرة (مبشورة)

فلفل أحمر وأخضر حار (حسب الرغبة)

1 ملعقة صغيرة ملح

½ ملعقة صغيرة فلفل أسود

1 ملعقة صغيرة بهارات لحمة

3 ملاعق كبار معجون طماطم

1 كوب عصير طماطم

1-1.5 كوب ماء مغلي

1 ملعقة صغيرة سكر (اختياري)

زيت نباتي (لتحمير الرز)

1 ملعقة صغيرة ملح (للسلق)

طريقة التحضير:
سلق الخضروات

في البداية، هنحط الخضروات اللي بنحبها في ماء مغلي مع ملح، زي البسلة والجزر والفاصوليا. نسيبهم يسلقوا لغاية ما يبقوا لسه ماسكين ومش مهريين عشان يفضلوا ظاهرين في الأكلة.

تحضير الرز

في نفس الحلة، هنحط الرز المغسول في زيت سخن على نار متوسطة ونقلبه لغاية ما يتغلف بالزيت بعدين نضيف عليه ماء مغلي بنسبة 1:1.25 من الرز ونضيف ملح حسب الذوق.

تحضير اللحمة

في طاسة تانية، هنحط اللحمة المفرومة من غير زيت. لما اللحمة تخلص من الدهون اللي فيها، هنضيف عليها بصلة متقطعة وفلفل حار. نضيف التوابل ونستمر في تقليب اللحمة لغاية ما تستوي تمامًا.

إضافة الطماطم:

بعد ما اللحمة تستوي، نضيف معجون الطماطم وعصير الطماطم، ونقلبهم مع بعض. نضيف شوية مياه لعمل صوص وهنسيبهم على نار هادية لغاية ما يتشربوا كويس.

التقليب النهائي:

بعد ما الرز يستوي، هنضيفه لللحمة مع الخضروات ونعرف نخلطهم مع بعض بحرص. لو حابين نزيد النكهة، نضيف كسبرة فريش في الآخر.