أ
أ
المبكبكة من الأكلات الشهيرة، في وصفة النهاردة، هنستخدم اللحمة المفرومة بدلًا من القطع، بطريقة سريعة وسهلة، في طاسة واحدة بدون تعب
المقادير:
400 جرام مكرونة (أي نوع حسب الرغبة)نصف كيلو لحمة مفرومة
بصلة متوسطة مفرومة
3 قرون فلفل حار (اختياري حسب الرغبة)
4 ورقات لوريل (ورق غار)
ملعقة صغيرة ملح (أو حسب الذوق)
ملعقة صغيرة بهارات لحمة (أو أكثر حسب الرغبة)
نصف ملعقة صغيرة فلفل أسود
مكعب مرقة (اختياري)
نصف ملعقة صغيرة سكر
5 ملاعق كبيرة معجون طماطم (أو أكثر حسب الرغبة)
كوب عصير طماطم مصفّى
ماء حسب الحاجة
2 ملعقة كبيرة زيت
الطريقة والخطوات:
سخّني الزيت في طاسة واسعة على نار متوسطة.ضيفي البصل المفروم وقلبيه لحد ما يذبل ويتحول لذهبي فاتح.
ضيفي اللحمة المفرومة وقلبيها مع البصل كويس لحد ما تستوي ويتغير لونها.
ضيفي ورق الغار والفلفل الحار وقلّبي الخليط.
حطي البهارات: الملح، الفلفل الأسود، بهارات اللحمة، مكعب المرقة، والسكر.
ضيفي معجون الطماطم وقلبيه مع اللحمة شوية لحد ما يتسبك ويفتح لونه.
ضيفي عصير الطماطم المصفى، وقلبي الخليط وسيبيه يغلي شوية.
ضيفي المكرونة النيّة على الخليط، وقلّبي كويس.
زودي ماء مغلي يغطي المكرونة، وغطّي الطاسة وخليها على نار هادية.
كل شوية افتحي وقلّبي عشان المكرونة ما تلزقش، ولو احتاجت مياه زودي شوية.
لما المكرونة تستوي وتتسبك الصلصة، ارفعيها من النار.
