لو بتحبي تبدأي يومك بفطار خفيف ومغذي أو عايزة تعملي سندوتشات لأولادك بمكونات أنتي واثقة فيها 100%، التوست البيتي ده هو الاختيار المثالي ,مش بس طري ولذيذ، كمان غني بمكونات مفيدة زي العسل الأبيض، اللبن البودرة، والزبدة، اللي بيخلوا العيش فيه قيمة غذائية عالية. الوصفة سهلة ومش مكلفة، ونتيجتها تستاهل كل خطوة.

المكونات:

4 أكواب دقيق أبيض

2 ملعقة كبيرة لبن بودرة

2 ملعقة كبيرة زبدة (أو ربع كوب)

ربع كوب عسل أبيض (يمكن استبداله بـ 2 ملعقة كبيرة سكر)

1 ملعقة كبيرة خميرة فورية

1 ملعقة صغيرة بيكنج باودر

رشة ملح

حوالي كوب ماء دافئ (قابل للزيادة حسب الحاجة)

طريقة التحضير:
أولاً: تجهيز السوائل

في طاسة على النار، ضعي الزبدة حتى تسيح.

أضيفي عليها كوب ماء دافئ (لو الماء سخن جدًا، سيبيه يبرد شوية).

أضيفي ربع كوب عسل أبيض وقلبي حتى يذوب تمامًا.

ملاحظة: لو ما فيش عسل أبيض، ممكن استخدام 2 ملعقة كبيرة سكر بدلًا منه.

ثانيًا: تجهيز المكونات الجافة

في وعاء عميق، ضعي:

4 أكواب دقيق

2 ملعقة كبيرة لبن بودرة

1 ملعقة كبيرة خميرة

1 ملعقة صغيرة بيكنج باودر

رشة ملح

قلبي المكونات الجافة معًا جيدًا.

ثالثًا: العجن

تأكدي إن خليط الزبدة والعسل دافئ (مش ساخن) علشان ما يبوزش الخميرة.

اسكبي الخليط على المكونات الجافة تدريجيًا وابدئي بالعجن.

اعجني جيدًا لمدة 5–7 دقائق حتى تحصلي على عجينة طرية وناعمة.

لو حسيتِ إن العجينة ناشفة، ممكن تضيفي شوية ماء دافئ بالتدريج.

رابعًا: التخمير

غطي العجينة واتركيها في مكان دافئ حتى تختمر ويتضاعف حجمها (حوالي 45 دقيقة إلى ساعة).

بعد التخمير، شكّلي العجينة على شكل رول بحجم القالب اللي هتستخدميه.

ضعي العجينة في القالب بدون دهن، وغطيها واتركيها تختمر مرة تانية حوالي 30 إلى 45 دقيقة.

خامسًا: الخَبز

قبل إدخال التوست الفرن، يمكن رشه بالقليل من الماء أو خليط خفيف من اللبن البودرة والماء لإعطاء لمعة حلوة.

سخني الفرن على درجة حرارة 180 مئوية، ثم ادخلي القالب لمدة 25–30 دقيقة أو حتى يحمر الوجه.

اخرجي التوست واتركيه يبرد شوية قبل التقطيع.

ملحوظة مهمة:

لو التوست حصل فيه تشققات، غالبًا ده بسبب إنه ما أخدش وقت كافي في التخمير الثاني. المرة الجاية سيبيه لحد ما يتضاعف حجمه كويس قبل الخبز.