البيتزا من الأكلات اللي بيحبها الكبار والصغيرين، وكتير من الناس بيشتروها جاهزة من برّه. لكن ستات كتير بيدوّروا على طريقة سهلة يعملوا بيها بيتزا في البيت، خاصة إن الأطفال بيحبوها جدًا. علشان كده، هنقدملك دلوقتي طريقة عمل عجينة البيتزا، الصلصة، وأشهر الحشوات اللي تقدري تعمليها بكل سهولة.

 أولاً: طريقة عمل عجينة البيتزا
المكونات:

3 كوب دقيق

1 كوب ماء دافئ

2 معلقة كبيرة زيت زيتون

1 معلقة صغيرة ملح

1 معلقة صغيرة سكر

كيس خميرة فورية

طريقة التحضير:

ذوّبي الخميرة مع السكر في الماء الدافئ، وقلّبيهم كويس لحد ما يختفوا.

في وعاء كبير، اخلطي الدقيق مع الملح.

ضيفي زيت الزيتون على الخليط.

صبّي خليط الخميرة والماء على الدقيق، وابدئي في العجن.

لو حسيتِ العجينة محتاجة شوية ميه، زوديها بالتدريج.

اعجني كويس لحد ما تبقى العجينة طرية ومتماسكة.

غطي العجينة واتركيها تختمر لمدة ساعة في مكان دافئ.

بعد ما تخمر، افرديها في صينية مدهونة زيت.

 ثانيًا: طريقة عمل صلصة البيتزا
المكونات:

بصل مفروم

ثوم مفروم

2 كوب عصير طماطم

1 معلقة صغيرة زعتر

1 معلقة صغيرة فلفل أسود

زيت

طريقة التحضير:

سخّني شوية زيت في طاسة على النار.

ضيفي البصل المفروم وقلّبيه لحد ما يذبل.

ضيفي الثوم وقلّبي لحد ما ياخد لون ذهبي.

صبّي عصير الطماطم على الخليط.

ضيفي الزعتر والفلفل الأسود وقلّبي.

سيبي الصلصة تتسبك على نار هادية، وبعد كده افرديها على العجينة.