مفيش أحلى من مربى الجزر اللي كانت دايمًا موجودة في بيوتنا. وصفة اقتصادية، سهلة، ومليانة فوائد، وأهمها إنها بتقوي النظر وبتحبها الأطفال والكبار كمان ,لو عندك كيلو جزر وسكر وبرتقال يبقى عندك أحلى مربى بيتي من غير مواد حافظة ولا تكاليف زايدة.

 المكونات:

1 كيلو جزر مبشور ناعم

½ كيلو سكر (500 جرام)

2 كوب عصير برتقال طبيعي
(يمكن استخدام كوب واحد حسب الرغبة، لكن 2 كوب يدي طعم غني أكثر)

عصير ليمونة واحدة

½ ملعقة صغيرة ملح ليمون

2 – 3 حبات قرنفل (اختياري لنكهة مميزة)

ملعقة صغيرة جيلي (اختياري للتماسك في النهاية)

 طريقة التحضير:

في حلة واسعة، ضعي الجزر المبشور مع السكر وقلّبيهم كويس.

اسكبي عصير البرتقال عليهم، وارفعي الخليط على نار هادئة.

سيبيه على النار لحد ما الجزر ينزل ميّته ويبدأ في التسوية.

ضيفي ملح الليمون وعصير الليمونة، وكمّل التسوية على نار هادئة مع تقليب كل فترة.

بعد ما الخليط يتقل وتظهر قوام المربى، ضيفي الجيلي والقرنفل (حسب الرغبة) وقلّبيهم لمدة دقيقتين فقط.

ارفعيها من على النار، واتركيها تبرد، ثم احفظيها في برطمانات زجاجية معقمة.

نصيحة:
الجزر هينزل ميّة كتير، فممكن تقللي كمية العصير لو حبيتي مربى متماسكة أكتر.

القرنفل والجيلي بيدّوا نكهة ولون حلو، لكن ممكن تستغني عنهم لو مش متوفرين.