الخيار المخلل من الأطباق الجانبية المحببة على سفرتنا، سواء في مصر أو الوطن العربي، ويتميز بطعمه المقرمش ونكهته الحامضة اللذيذة. ومع تنوع الوصفات، يمكنك تحضيره في البيت بكل سهولة وبمكونات بسيطة، حسب ذوقك.

في السطور الجاية، هنعرفك 3 طرق مختلفة لتحضيره، اختاري اللي تناسبك وابدئي فورًا!

 الخيار المخلل السريع
المكونات:

خيار صغير الحجم

شرائح ثوم

فلفل أحمر حار حسب الرغبة

فصوص حبهان

ورق لورا

فلفل أسود حصى

خل – ملح – ماء

الطريقة:

رصي الخيار كامل (من غير تقطيع) في برطمان زجاجي نظيف.

أضيفي شرائح الثوم والفلفل الحار، ومعاهم الحبهان، ورق اللورا والفلفل الأسود.

قلّبي الملح مع الخل والماء، واسكبيه على الخيار.

اقفلي البرطمان كويس، وسيبيه أسبوع في مكان جاف ومظلم.

 الخيار المخلل بالطريقة التقليدية
المكونات:

1 كجم خيار

4 أكواب ماء مغلي ومبرد

3 ملاعق كبيرة ملح خشن

½ كوب خل أبيض

4 فصوص ثوم

رشة شطة – رشة سكر

ورق غار – فلفل أسود – كرفس أو شبت

الطريقة:

اغسلي الخيار وقطّعيه حسب الرغبة.

حضّري محلول التخليل بخلط الماء البارد مع الخل، والملح، والثوم، والتوابل.

رصي الخيار في برطمان زجاجي، وضيفي عليه المحلول.

سيبيه يتخلل 5 – 7 أيام حسب حرارة الجو، وبعد كده دخليه التلاجة.

 الخيار المخلل السوري
المكونات:

خيار صغير الحجم

كميات متساوية من الماء والخل

ملح – ثوم مهروس – بقدونس مفروم

رشة شطة أو فلفل حار (اختياري)

الطريقة:

انقعي الخيار في ماء وملح لمدة ساعة.

حضّري المحلول بخلط الماء مع الخل والثوم والبقدونس.

صفّي الخيار وضعيه في برطمان، واغمريه بالمحلول.

غطي البرطمان، وسيبيه من 3 لـ5 أيام.

 نصائح لنجاح الخيار المخلل:

استخدمي برطمان زجاجي نظيف وجاف تمامًا.

اختاري خيار صغير الحجم علشان يفضل مقرمش.

متفتحيش البرطمان قبل مرور المدة المحددة للتخليل.

بعد الفتح، احفظيه في التلاجة علشان يفضل بطعمه اللذيذ.