في وصفة النهارده، هنعمل عصير منعش ولذيذ، مثالي لأيام الصيف، وهو عصير الجوافة بالنعناع, العصير ده بيجمع بين طعم الجوافة المسكر والمنعش، ونكهة النعناع الرائعة، والنتيجة مشروب كريمي وطبيعي، سهل التحضير ومفيد.
تقدروا تحلّوا العصير بعسل أو سكر حسب الرغبة، أو تستغنوا عن التحلية لو الجوافة ناضجة وحلوة بطبعها.

المكونات:

جوافة فريش مقطعة (منزوع منها البذر إن أمكن)

نعناع سيرب أو نعناع فريش (حسب المتوفر)

سكر أو عسل (اختياري، حسب درجة حلاوة الجوافة)

لبن (حسب القوام المطلوب – ممكن تقليل أو زيادة)

مكعبات ثلج (اختياري للتقديم)

طريقة التحضير:

في الخلاط، نضيف قطع الجوافة.

نضيف كمية من النعناع سواء سيرب أو أوراق فريش.

نضيف سكر أو عسل حسب الرغبة، أو ممكن نستغنى عنهم لو الجوافة مسكرة.

نضيف اللبن، ويفضل نبدأ بكمية قليلة علشان العصير يكون تقيل وكريمي.

نخلط المكونات جيدًا في الخلاط لحد ما نحصل على قوام ناعم.

لو القوام تقيل قوي، نقدر نزود شوية لبن حسب الذوق.

يُصب العصير في كاسات التقديم، وممكن نضيف ثلج أو نزين بورقة نعناع فريش.

نصائح إضافية:

يفضل تصفية العصير بعد الخلط لو الجوافة فيها بذر.

ممكن إضافة لمسة من عصير الليمون لتعزيز الانتعاش.

لو بتحب العصير بارد أكتر، استخدم الجوافة وهي متجمدة.