الشكشوكة من الأكلات الشرقية اللي بتحبها الكل، ومناسبة لأي وقت في اليوم، سواء الصبح بدري أو في حر الصيف، لأنها خفيفة وسريعة وكمان بتشبع.

وعلي طريقة الشيف هبه أبو الخير هنعمل احلي شكشوكة:
المقادير:

•4 بيضات
•بصلة متوسطة مفرومة ناعم
•2 طماطم كبار مفرومين
•فص توم مهروس
•معلقة كبيرة زيت زيتون أو سمن
•رشة ملح
•رشة فلفل أسود
•رشة كمون (لو حبيت)
•فلفل أخضر حار على حسب المزاج
•شطة أو بابريكا للرشة الحلوة.

طريقة التحضير:

1-سخن الزيت في طاسة على نار وسط، وحط البصل وقلّبه لحد ما يبقى لونه دهبي.
2-ضيف التوم المهروس وقلّبه شوية لحد ما ريحته تطلع.
3-حط الطماطم المفرومة، ورش الملح والفلفل والكمون، وسيبها تغلي لحد ما الطماطم تتسبك والسوائل تقل.
4-لو بتحب الأكل حار، ضيف الفلفل الأخضر والشطة أو البابريكا دلوقتي.
5-اعمل 4 فتحات صغيرة في خليط الطماطم وكسر البيض جوه الفتحات من غير ما تحركه.
6-غطي الطاسة وسيب البيض يستوي على حسب اللي بتحبه (عادة 5 لـ7 دقايق).
7-قدم الشكشوكة سخنة مع عيش بلدي أو توست.