أ
أ
مين فينا ما بيحبش النوجا بالمكسرات؟ دي واحدة من أحلى الحلويات الكلاسيكية اللي بتفكرنا بالطفولة، وبتجمع بين الطعم الغني والبساطة في المكونات, كتير بيشوفوها صعبة التحضير، لكن النهاردة هنوريك طريقة سهلة وبسيطة تعمل بيها النوجا في بيتك، وبدون جيلاتين كمان، عشان تستمتع بطعمها الأصيل اللي ما يتوصفش!
مكونات النوجا بالمكسرات:
عشان تعمل النوجا الشهية دي، هتحتاج المكونات البسيطة دي:
1 كوب سكر (حوالي 160 جرام)1 كوب عسل طبيعي (حوالي 320 جرام)
بياض 3 بيضات
رشة ملح
مكسرات محمصة (زي اللوز أو الفستق، الكمية حسب الرغبة)
طريقة التحضير خطوة بخطوة:
اتبع الخطوات دي بدقة وهتطلع معاك أحلى نوجا:
تحضير خليط السكر والعسل:هات قدر وحطه على نار هادية.
ضيف السكر والعسل وقلبهم كويس.
استمر في التقليب لمدة 30 دقيقة تقريبًا لحد ما السكر يدوب تمامًا وتتكون عندك شيرة ناعمة.
إضافة بياض البيض:
ضيف بياض البيض بالتدريج مع رشة الملح على خليط السكر والعسل.واستمر في الطبخ والتقليب على نار هادية لمدة 35 دقيقة تقريبًا, الخطوة دي مهمة عشان النوجا تاخد قوامها المظبوط.
اختبار القوام:
عشان تتأكد إن الخليط بقى جاهز، حط نقطة صغيرة منه في مايه ساقعة, لو تجمّدت وبقت زي قطعة العلكة، يبقى كده تمام، الخليط جاهز للمرحلة اللي بعدها.إضافة المكسرات:
ضيف المكسرات الدافئة المحمصة على الخليط وقلبها كويس جدًا لحد ما تتوزع في كل النوجا.
صب النوجا وتبريدها:
هات صينية وبطنها بورق الزبدة كويس.صب خليط النوجا في الصينية ووزعه بالتساوي، بعدين غطيه كويس بورق زبدة تاني أو كيس نايلون.
سيب النوجا ليلة كاملة بره التلاجة عشان تتماسك تمامًا وتاخد النكهة الكاملة.
