لو بتدوري على وصفة سهلة، لذيذة، وسريعة في التحضير، تنفع في العزومات، التجمعات، وحتى في اللانش بوكس  يبقى سلطة المكرونة دي هي الحل, طبق صيفي منعش، خفيف، وشكله كمان مبهج، بيناسب كل الأذواق, تقدري تعمليها كوجبة غداء خفيفة، أو جنب المشويات، أو حتى تودّيها معاكِ في أي بارتي أو بيكنيك.

 المكونات:
للمكرونة:

2 كوب مكرونة روتيني أو أي نوع مفضل (مسلوقة في ماء وملح)

1 ملعقة كبيرة زيت زيتون (لمنع الالتصاق بعد السلق)

للخضار والإضافات:

1 كوب ذرة مسلوقة

¾ كوب حمص مسلوق (اختياري)

1 كوب فاصوليا حمراء معلبة أو مسلوقة

1 فلفل رومي (أخضر أو ألوان)، مقطع مكعبات

1 خيار متوسط، مقطع صغير (اختياري حسب البروتين المضاف)

½ كوب طماطم شيري مقطعة أنصاف

1 بصلة حمراء صغيرة مقطعة شرائح رفيعة

2 ملعقة كبيرة شبت مفروم (أو بقدونس حسب الرغبة)

1 كوب زيتون أسود منزوع النوى ومقطع

للدريسنج (الصلصة):

5 ملاعق كبيرة زبادي (أو علبة كبيرة)

4 ملاعق كبيرة مايونيز

1 ملعقة كبيرة مستردة (خردل)

2 ملعقة كبيرة زيت زيتون

عصير 2 ليمونة كبيرة (أو 3 صغيرة)

1 ملعقة صغيرة ملح (أو حسب الرغبة)

½ ملعقة صغيرة فلفل أسود

رشة ثوم بودر (أقل من ¼ ملعقة صغيرة)

رشة بصل بودر (أقل من ¼ ملعقة صغيرة)

 طريقة التحضير:

سلق المكرونة

اسلقي المكرونة في ماء مغلي مع ملعقة كبيرة من الملح حتى تنضج حسب التعليمات.

صفيها وقلّبيها مع ملعقة كبيرة زيت زيتون حتى لا تلتصق، واتركيها تبرد.

تجهيز المكونات

قطّعي الفلفل، الخيار، الطماطم الشيري، البصل الأحمر، وافرمي الشبت.

حضّري الذرة، الحمص، الفاصوليا، والزيتون.

تحضير الدريسنج

في وعاء، اخلطي الزبادي، المايونيز، المستردة، زيت الزيتون، عصير الليمون، والبهارات (ملح، فلفل، ثوم بودر، بصل بودر) حتى يتجانس الخليط تمامًا.

التجميع

في بولة كبيرة، اخلطي المكرونة مع كل المكونات المفرومة والمسلوقة.

أضيفي الدريسنج وقلّبي جيدًا حتى تتوزع الصلصة.

التقديم

قدمي السلطة باردة بعد تبريدها في الثلاجة لمدة ساعة على الأقل.

ممكن تضيفي قطع تونة، فراخ مشوية، جبنة موتزاريلا أو فيتا حسب ذوقك.

نصائح:

لو هتضيفي بروتين زي التونة أو الفراخ، يفضل ما تحطيش خيار عشان ما يظفرش.

ممكن تعمليها قبلها بيوم وتحطيها في التلاجة؛ طعمها بيكون ألذ بعد ما المكونات "تتشرب" الصوص.